InfoHub Logo

Сабақтың тақырыбы: Адамның ішкі әлемі
Құндылық: Дұрыс әрекет
Қасиеттер: адалдық, жауапкершілік
7 сынып
Сабақтың мақсаты: оқушыларға жан дүниенің тазалығы мен оны кемелдендіру туралы түсінік бере отырып, дұрыс әрекет құндылығының мәнін ашу.
Ресурстар: Мультимедиялық тақта, оқулық, дәптер, мақал - мәтел, дәйексөз, маркер, аққағаз, гүл, жүрек, көбелек суреттері
Дәйексөз
«Ар ұялар іс қылмас»» Дәйексөзді бірінші кезекте ұл балалар қайталап оқиды. Содан соң қыз балалар қайталап айтады.

Әңгімелеу
«Ойлан, балам» Талдау сұрақтары:
● Ел - жұрт неліктен тыныш ұйықтай алмады?
● Адамдардың Ұжданмен кездесуінен кейінгі мазасыздануының себебі неде?
• Ұждан адамдарды қалай дұрыс жолға салды? Олардың ойын, ниетін қалай жақсартты?
● Ұжданның ниетін түсінбегендер жағдайдан шығудың қандай жолын іздеді? Неліктен?
● Адамдар Ұжданға ұялмай, дұрыс жауап беру үшін өз міндеттері мен парыздарын қалай атқаруы керек екен?
● Елдегі тыныш өмірдің орнауының себебі неде?
● Өздерің күнделікті өмірде Ұжданды басшылыққа аласыңдар ма? Қалай?
Оқушылар әңгімелеп, жаңа тақырыптың мазмұнын талдайды.

Шығармашылық жұмыс:
1 - тапсырма: Сөздіктерден «ынсап», «әділет», «мейірім» сөздерінің анықтамасын тауып, оқыңдар. Олардың ұқсастықтары мен айырмашылықтарын табыңдар.
2 - тапсырма: Абайдың «Пайда ойлама, ар ойла...» сөзін басшылыққа алып, төмендегі рөлдерді қатыстырып сахналау ұйымдастырыңдар.
Оқушылар берілген тапсырмаларды орындай отырып, өздерінің сабақта түсінгендерін кеңейтеді, бекітеді.
Дәптермен жұмыс: дәптерде тапсырмаларды өз беттерінше орындайды.
Дәптердегі тапсырмаларды мұғалімнің көмегімен орындайды

Үй тапсырмасы: Шәкәрім шығармасынан үзінді
Күнделіктеріне жазады.
Жүректен жүрекке
«Мейірімді көздер - ай» Әнді ерекше көңілмен айтып, сергиді.

Мектеп: «Бейнеу лицейі» КММ
Мұғалім: Таженова Ш.