InfoHub Logo

Әдебиет пәні бойынша өткізген бір сабағыма рефлексивті есеп
Ұстаз – жүректің жылылығын, мейірімнің шуағын, адамгершіліктің ұлылығын біліммен қоса бала бойына дарыта алатын тұлға. Ұстаз қандай болу керек? - деген сұраққа өзімнің тәжірибеме сүйене отырып, ұстаз білімді, бала жанын түсіне алатын, әділ, еңбекқор және үздіксіз ізденіс үстінде бола алатын жан деп ойлаймын. Олай болса, ұстаз мамандығын таңдағандықтан, ең алдымен өзіңді - өзің танып, үздіксіз ізденіп, аяусыз еңбектенуің керек.

Заман ағымына сай өз білімімді үздіксіз жетілдіріп отырған жағдайда ғана, ХХІ ғасырдың талабына сәйкес жаңа форматтағы ұстаз бола алатыныма көзім анық жетті. Әлемдік білім саласында болып жатқан өзгерістерден жырақта қалмай, жаңғыртып отыру үшін ұстаздар қауымының үйренерлері көп. Әдебиет сабағынан Мұхтар Әуезовтің «Әбілмансұр» деп аталады. Бұл тақырыпқа бағдарлама бойынша бір сағат бөлінген. Сабағымның мақсаты әңгімедегі негізгі ойды, идеяны ұғыну, автор туралы мәлімет алу болатын. Алдыңғы сабақтарымда оқушылар топқа бөліну және топ ережесіне сүйену деген сияқты нәрселерге әбден төселгендіктен, бұл сабағымды бастау қиынға соққан жоқ. Ынтымақтастық атмосферасын қалыптастыру мақсатында психологиялық тренинг өткіздім. Жеті модуль бойынша қалай оқу қажеттігін үйренген әдіс - тәсілдерімді сабақ беру барысында дұрыс пайдалануға, әр модульді орнымен қолдануға және жаңаша түрлендіре отырып сабақ өтуге тырыстым. Осы жеті модуль ішіндегі бірінші модульге тоқталар болсам, оқыту мен оқудағы жаңа тәсілдерді біз әрдайым жандандырып, жаңартып отыруымыз қажет. Оқушыларды қалай оқыту керек екенін түсінуіміз керек. «Әлеуметті - сындарлылық тұрғыдан оқытуды түсіну (Vygotsky, 1978; Wood, 1998) осы бағдарламада айтылған «Оқыту мен оқудағы жаңа тәсілдер» негізінде жатыр. Балалар өзінің түсінігін өзіндік зерттеулері мен әлеуметтік өзара байланысқа сәйкес құратын белсенді білім алушылар болып табылады». (Бағдарламаның негізгі мазмұны, 19 бет). Оқушыларды топқа бөліп отырғызып алған соң, қызығушылығын ояту кезеңінде әр топқа сұрақтар беру арқылы сабақтың тақырыбын аштық.

Жақсы ай мен күндей.
Әлемге бірдей
Жақсының аты өлмейді,
Ғалымның хаты өлмейді.
Топ өздеріне берілген тапсырманы тиянақты орындап шықты. Сабақтың мақсаты мен нәтижесіне жету үшін орындалатын тапсырмалар туралы айтылды.