InfoHub Logo

Білім беру саласы: Денсаулық
Ұйымдастыру оқу қызметі: Дене тәрбиесі
Тақырыбы: Алға қарай 1 аяқпен секіріп, келесі аяқты ауыстыра кері кругтан - кругқа секіру.
Мақсаты: Балалардың қозғалыстарын жетілдіру, 1 аяқпен секіруді және кругтан - кругқа секіруді үйрету.
Дамытушылығы: Ой - өрісін дамытып, ойынға деген қызығушылығын арттыру.
Тәрбиелігі: Ұқыптылыққа тәрбиелеу.
Әдіс - тәсілі: Жалпы жаттығу, ойын шарттарын түсіндіру, сұрақ - жауап, қорытынды.
Керек құралдар: Сылдырмақ, ысқырғыш, кругтар, үрілген доп.
Қимыл - қозғалыс ойыны: «Кім епті».

Мотивациялық қозғаушы
Балаларды сап түзетіп, қатарға тұрғызады.
Амандасады. Тік тұрыңдар, түзеліңдер! Оңға бұрылып, саппен жүріңдер! Нұсқаулықты орындаңдар! Аяқ ұшымен жүру, қол белде, өкшемен жүру, қол желкеде. Нұсқау бойынша орындату.

Іздену - ұйымдастырушылық
Сылдырмақтың көмегімен 2 қатарға бөліп тұрғызу.. Жалпы дамытушы жаттығуын орындатады.
Б. қ. аяқ арасы иық деңгейде. Қолды алға кезекпен - кезек алға, жанына, жоғарыға созу. Қос қолмен шапалақтау. (6 рет қайталау).
Б. қ. Аяқ сол күйде. Қолды белге қойып, алға, артқа белді қозғау.
Б. қ. Аяқ арасы сәл алшақ, қолды алға созу арқылы отырып - тұру.
Негізгі оқу қызметі бойынша нұсқаушы алдымен саппен жүргізіп содан кейін 1 аяқпен секіруді және кругтан - кругқа секіруді түсіндіріп, ойынды балаларға үйретеді.

Рефлекстік - коррекциялаушы
Қимыл - қозғалыс ойыны: «Кім епті».
Ойын шарты: Нұсқаушы балаларды 2қатарға тұрғызады. Екі қатарға 2 түсті кеглиді межеге қойып содан үрілген доппен секіріп жарысып ойнау керектігін түсіндіріп, ойынды балаларға үйретеді.

Тыныс алу жаттығуларын жасатады.
Балаларға бүгінгі оқу қызметі барысынан сұрақтар қойды. Іс - қимыл қозғалыстарын байқау арқылы балаларды мадақтады.
Сау болыңыздар!

Маңғыстау облысы, Түпқараған ауданы,
Форт-Шевченко қаласы, Баутин ауылы,
"Ақбота"балабақшасының
дене шынықтыру нұсқаушысы А. Ермекбаева