InfoHub Logo

Тақырыбы: Ақпараттық модельдеу

Сабақтың мақсаты: 1. Оқушыларға ақпараттық модельдеу, модельдеуді сипаттау әдістері, модельдің қасиеттері жайлы жалпы түсінік беру.
2. Оқушыларды ақпараттық модель мен материалдық модель ажырата білуге дағдыландыру, олардың түрлерін таныстыру.
3. Оқушыларды жауапкершілікке, өз бетінше еңбектенуге тәрбиелеу.
Сабақтың түрі: біліктілікпен дағдыны игеру және қалыптастыру сабағы. Сабақтың әдісі: Деңгейлеп саралап оқыту
Сабақтың көрнекілігі: тақырыпқа байланысты слайд, тірек – сызбалар, тест, компьютердегі тәжірибелік жұмыс.
Сабақтың пәнаралық байланыс: математика

Сабақтың барысы:
І. Ұйымдастыру кезеңі.
ІІ. Оқушыларды психологиялық дайындау.
ІІІ. Сабақтың ұстанымы. «Өнер – ағып жатқан бұлақ,
Білім жанып тұрған шырақ» (мақал)

ІV. Үй тапсырмасын тексеру: Сызықтық алгоритмдер.

V. Жаңа сабаққа дайындық жүргізу: (6 сыныпта өтілген тақырыпты еске түсіру). Модель дегеніміз не?
Нақты нысандарды зерттеу мақсатында адамның қолымен жасалған нысанды – модель деп атаймыз. Модель – бұл глобус және әлем картасы, жердің тартылыс күшінің формуласы, макеттер, мектептегі биология кабинетіндегі көрнекі құралдар, әйгілі суреттердің көшірмесі.

VІ. Жаңа сабақты түсіндіру.
Модельдің түрлерін екі үлкен классқа бөлуге болады: материалдық және ақпараттық.
Материалдық модель – модельдеу нысанның маңызды белгілерін көрсететін нақты бір зат.
Ақпараттық модель - модельдеу нысанын қандай да бір тілде сипаттайды.
Слайдтан «дәптер» нысанның қасиеттерін көрсету.
Ақпараттық модельдерді сипаттау әдістерімен таныстыру.
Сұлбаға анықтама беру. Сұлба – сызықтармен қосылған ішінде жазулары бар фигуралардан тұрады. Граф – сызықтармен қосылған ұштардан тұратын графикалық нысан. Графтарды нысандар арасындағы байланысты көрсету үшін қолданылады.

VІІ. Жаңа тақырыпты бекіту. Бақылау сұрақтары мен тапсырмаларды орындау.
1. Барлық модельдер қандай екі үлкен класқа бөлінеді?
2. Материалдық (заттық) модельдерге мысалдар келтіріңдер.
3. Ақпараттық модель дегеніміз не?
4. Қандай модельдер ақпараттыққа, ал қандай материал материалдыққа жататынын анықтаңдар: әлем картасы, эвакуация жоспары, үстел сұлбасы, үстел сұлбасы, ғимарат макеті, автокөлік моделі.

VІІІ. Компьютерлік тәжірибелік жұмыс жүргізу.
ІХ. Үйге тапсырма беру. § 17 оқып келу, сұрақтарға дайындалу, түйінді жаттау.
Х. Оқушылардың білімін бағалау.