InfoHub Logo

Сабақ тақырыбы: Ақпаратты кодтау.

Сабақтың мақсаты: Білімділік: Оқушыларды кодтау ұғымымен таныстыру.
Морзе әліппесі, Цезарь коды және әліппелік кодтау туралы түсіні қалыптастыру.
Тәрбиелік: топпен жұмыс жасай білуге, бірін – бірі сыйлауға тәрбиелеу.
Дамытушылық: оқушылардың ойлау қабілетін, логикасын дамыту.
Әдіс - тәсілдер: интерактивті тақта арқылы демонстрациялау, түсіндіру, баяндау.
Көрнекіліктер: интерактивті тақта, слайд.

Сабақ барысы:
І) Ұйымдастыру. Оқушылардың сабаққа даярлығын, қатысуын тексеру.

ІІ) Өткен сабақты қайталау. Сұраққа жауап бер.
1. Ақпарат дегеніміз не?
Ақпарат – бізді қоршаған орта туралы мәлімет.
2. Адамдарға ақпарат не үшін қажет?
Адамдар ақпаратты алады, береді және сақтайды, өңдейді.
3. Адам ақпаратты қалай сақтайды? Компьютер ше?
Ақпаратты ойына сақтайды. Ішкі және сыртқы жадтарға
4. Ақпарат тасымалдаушыларды еске түсіріңіз?
Магниттік және лазерлік дискілер, флэш - жады, винчестер (қатқыл диск)
5. Ақпараттың өлшем бірлігін атаңыз.
Байт, бит, Кбайт, Мбайт, Гбайт

ІІІ. Жаңа тақырыпты түсіндіру.
Код – ақпаратты ұсынуға арналған шартты белгілер жүйесі.
Кодтау – ақпаратты жеткізу үшін, өңдеуге, сақтауға ыңғайлы алфавит арқылы құпиялап жазу.
Кері кодтау декодтау / – кодталған ақпаратты түсінікті тілге аудару
545 - елдің коды
7106 - өндіруші коды
07628 - бақылау коды
1 - тауар коды

Ақпаратты кодтаудың үш негізгі тәсілі бар.
1. Графикалық - суреттер, белгілер көмегімен
2. Сандық - сандар көмегімен
3. Таңбалық - әліппедегі таңбалар көмегімен