InfoHub Logo

Жүргізуші:
Той пердесін ашайық
Тойға шашу шашайық
Аналарды құрметтеп,
Ән маржанын ашайық!
Қош келдіңіздер аяулы аналар, ақ жаулықты әжелер, мейірі мол апалар! Жыл мезгіліндегі ең тамаша, ең шуақты мерекелердің бірі - 8 наурыз халықаралық әйелдер күнімен құттықтаймыз! Сіздерге әрқашан сыр бермес денсаулық, өмірдің шапағатын тілейміз. Әрдайым мейірім шуағын шашып жүре беріңіздер. Балаларыңыздың сіздерге арнаған «Ардақтайық ананы» атты ертеңгілігін қабыл алыңыздар.

Көктем келді – Ана күні, Әлем күні,
Әлемді тебірентер Ана күні.
Анасыз жан туған жоқ, жер бетінде,
Ұғып ал бөбектерім сендер мұны – деп ортаға «Ақбота» тобының бүлдіршіндерін ортаға шақырамын!

Жүргізуші:
- Балалар сіздерге жарық сыйлаған кім?
- Ана
- Жөргегіңді ауыстырған кім?
- Ана
- Жылатуға қимаған кім?
- Ана
- Сен ауырсаң жүдеген кім?
- Ол да Ана
Баланың да тірегі
Дананың да тірегі
Шаншымасын ешқашан
Аналардың жүрегі

Жүргізуші:
Өлең, айтып беремін,
Әдепті боп жүремін.
Өткенімен анамды,
Өте жақсы көремін – деп балалардың аналарына арнаған тамаша бір әнін қабыл алыңыздар!
ӘН: «Ақ мамам»

Жүргізуші: Ақ анашым, аппағым
Өзің жайлы тақпағым
Арналады сіздерге
Балалардың тақпағы