InfoHub Logo

Бір күні Қожаның әйелі басқа әйелдермен бірге Ақшәһар көліне кір жууға барады. Қасына нөкерлерін ертіп, көл жағасында серуендеп жүрген бір төре әйелдерге көз салып, қырындап болмайды.

— Өй, ұятсыз, несіне қарайсың? — деп Қожаның әйелі зекіп тастайды. Төре нөкерлерінен:

— Бұл кімнің әйелі? — деп сұрайды. Олар Қожанасырдың әйелі екенін айтады.

Келесі күні төре Қожаны шақыртып алып:

— Кеше бізге жолыққан сенің әйелің бе еді? — деп сұрап, үстіне киген көйлегін, келбетін сөз етеді.

— Иә, менің әйелім, — дейді Қожа.

— Мұнда жіберші, келіп кетсін.

— Оны қайтесің?

— Бір нәрсе сұрайын деп едім.

Сонда Қожа:

— Сен әуелі менен сұра, мен барып әйелімнен сұрап келейін, — депті.

---