InfoHub Logo

«Бала деген бір бақыт!»
«Балауса» балабақшасының 5 жылдық мерейтойының салтанатты жиының даярламасы

Балабақша ауласы. Музыка ойналады. Балабақша ауласы мерекеге сай безендірілген.
Фанфар.
Жүргізуші:
- Құрметті халайық! Жиналған қауым! 1 – маусым халықаралық балаларды қорғау мерекесімен тұспалдас келіп тұрған біздің дәстүрлі түлектердің қоштасу кеші мен балабақшамыздың 5 жылдық мерейтойына хош келіпсіздер!
Жүргізуші:
- Міне, тағы бір жылды артқа тастап, балабақшамыздың 21 түлегін бүгінгі салтанатты жиында балалықтың бал шырыны өткен, өздерінің сүйікті балабақшасымен қоштасқалы тұр.
Жүргізуші:
- Бұл күн – балабақша тарихында, балабақшаның әр жылғы ұшқан түлектер, бүгінгі түлектер есінде мәңгі өшпейтін күн.
(«Шашу» биі)
Жүргізуші:
- Баршамызды бала тілмен баурайтын
Бала деген бір бақыт қой самғайтын
Ата – ананың арманы мен тілегі
Бала емес пе, балбұлақты жалғайтын
Сүйкімділер, періштелер сендерсіндер,
Қандай бейне өздеріңе тең келсін.
Ең алдымен балалықты меңгерсін
Ия, рас, бала болған бәрі де,
Салған олар балалықтың әнін де
Бала кезін еске алып отырсақ
Сол емес пе тіршіліктің мәні де, - дей келе «Бала деген бір бақыт» тақырыбындағы бүгінгі салтанатымызды бастауға рұқсат етіңіздер!
Жүргізуші:
- Салтанатты жиын төріне төмендегі қонақтарды қошеметпен қарсы алайық:
Жүргізуші:
- Нұрлы үмітін арқалаған арқаға,
Жан сәулесін тарататын баршаға.
Шын пейілмен құрметімізді көрсетіп,
Түлектерді шақырайық ортаға.