Баласағұн
Қазақстандағы орта ғасырлардағы белгілі қалалардың бірі — Баласағұн қаласы. Жазба деректерде қала X ғасырдан бастап белгілі. Баласағұн Қарахан мемлекетінің астаналарының бірі болған. Әл-Мақдиси оны «бай, үлкен қала» деп сипаттаған. 1974 жылдан ҚазМУ археологтары зерттеп жатқан Шу өңіріндегі Ақтөбе деп аталатын көне қала Баласағұнның орны деген пікір қалыптасты. Бұл қала VI - ХІІІ ғасырларда өмір сүрген. Қала патша сарайы орналасқан бекіністен, шахристаннан, рабаттан тұрады. Қала сырты 2-3 қатар қорғаныс қамалмен, ормен қоршалған. Шахристан бөлігіне жүргізілген қазба жұмыстары барысында Қарахан дәуірінің (X - XII ғғ.) 3 мыңнан астам мыс ақшалары, зергерлік бұйымдар, т.б. табылды. Ақсу өзенінен су тартылып, қыш кұбырлар арқылы қалаға жеткізіліп тұрғаны айқындалды. Орталық сарайдың шығысында әскерлер тұратын «Төрткүл» бекінісі орналасқан.
You Might Also Like
-
Байбарыс (Бейбарыс) сұлтан (1217/18 - 1277 жж.) — Мысыр елінде 17 жылдан аса сұлтандық құрған әміршісі әрі әйгілі мәмлүктердің қолбасшысы. Ол Батыс Қазақстан қыпшақтарынан шыққан. Моңғол шапқ...
-
Бұрындық хан (1480-1511 ж.ж. билік құрған) Бұрындық хан — Керей ханның үш ұлының бірі. Бұрындықтың қашан дүниеге келгені белгісіз. Орта ғасырлардағы жазба деректердің үзік-үзік мәліметтеріне ...
