InfoHub Logo

Сынып жетекшісінің міндеті:
● Қазақстан Республикасының «Білім туралы» заңын;
● бала құқықтары жөніндегі конвенцияны,
● еңбек заңнамасының негіздерін,
● балалардың және олардың жас ерекшелігіне қатысты, педагогиканы сондай - ақ әлеуметтік, педагогикалық психологияны, валеологияны, мектеп гигиенасын;
● педагогикалық әдеп пен шеберлікті; тәрбие жұмысының теориясы мен әдістемесін білуі тиіс.

Сынып жетекшісінің тәрбие қызметіндегі мақсаты:
Бүгінгі білімім - ертеңгі болашағым!
1. Білім алушы тұлғасының өзін - өзі дамыту мен өзін іс жүзінде көрсетуі үшін, оның қоғамда табысты әлеуметтенуі үшін жағдай жасау.
2. Балалардың тума нышандары мен қабілеттерін дер кезінде айқындау әрі оңды дамыту, қорғаныс, қауіпсіздік, эмоциялық жайлылығы үшін психологиялық - педагогикалық
жағдайлар жасау.
3. Тәрбиеленушілердің әр түрлі шығармашылық, тұлғалық және қоғамдық мәнді іс - әрекетін өмірдің әлеуметтік - жарамды тәжірибесінің көзі ретінде ұйымдастыру: қазіргі және болашақ есейген өміріндегі өзін - өзі дамыту білімі, икемі мен дағдылары, тұлғаның өзін - өзі анықтауы және өзін іс жүзінде көрсете білуі.
4. Өзара бірлескен қарым - қатынас кезінде тәрбиеленушілердің әлеуметтік құнды қарым - қатынастары мен алаңдататын мәселелерін сәйкестендіре ұйымдастыру.