InfoHub Logo

Алматы облысы, Ақсу ауданы, Қызылағаш ауылы,
Жансүгіров атындағы орта мектебінің
математика пәнінің мұғалімі
Жауынбаева Назира Токтасыновна

Сабақтың тақырыбы: Функцияның графикпен берілуі (слайд)
Жалпы мақсаты: Оқушылардың функцияның формуласы арқылы кестесін құру білімдерін бекіте отырып, кесте арқылы функцияның графигін сызуға есеп шығаруда қолдану білім, білік дағдыларын, сыни тұрғысынан ойлауын, ақпаратты бағалауын, өз оқуын реттеуге деген жауапкершілік, ортаға деген сүйіспеншілік қасиеттерін артыру.
Оқыту нәтижелері:
- функцияның графигін кесте құру арқылы сыза алады, функцияның графигі не екенін түсіне алады және функцияның графигі арқылы шамалар арасындағы байланысты көріп, есеп шығаруда қолдана алады
- топтық жұмыстағы проблеманы талқылау арқылы өз ойын білдіруге және өзгенің ойынмен санасуға бейімделеді
- берілген екі графикті салыстыру арқылы функцияның графигі қандай болатының біліп, ақпаратты талдауға үйренеді.
- тақырыптың басты идеясына арналған тірек сызбаны толтыру арқылы талқыланған тақырыпты жинақтай алады.
- рефлекция жазу арқылы СТО қабілеттері дамиды
- Б. Б. Б кестесін толтыру арқылы өзін - өзі бағалауы дамиды.
- Топ жұмысын бағалау критерилері бойынша оқушылардың ұйымшылдық, ұйымдастырушылық, өз оқуын реттеу маңыздылығын түсінеді.
- деңгейлік тапсырмаларды орындау, бірлескен топтық жұмыс арқылы оқушылардың сабаққа белсенділіктері, математика пәніне деген қызығушылығы артады.
- берілген тапсырманы топпен бірлесіп плакатқа сызу, орындаған тапсырмаларын сыныпта жариялау арқылы математикалық тілде сөйлеу дағдылары және есте сақтауы жақсара түседі
- алынған ақпаратты бағалау арқылы өмірдегі жағдаяттарды шеше білу және ойлау қабілеттері арта түседі
- электрондық журналдағы тапсырманы орындату арқылы оқушылардың технологиялық білімдері арта түседі.
Негізгі мақсаттары:
Функцияның формуласын және кестесін пайдаланып функцияның графигін сыза білуге, графиктен функцияның шамалар арасындағы байланысын көруге, есеп шығаруда қолдану, математикалық тілді сөйлеу дағдыларын, ойлау қабілеттерін дамыту.
Тапсырмалар:
«Жазбаша дөңгелек үстел», «Ойлан, жұптас, пікірлес»
Көрнекіліктер: Функцияның графигі сызылған қағаз қиындылары, плакат, маркер, сызғыш, өшіргіш, интерактивті тақта, ноутбук, тірек - сызба жазылған карточка, бағалау критерийлері жазылған парақ.