InfoHub Logo

Сынып: 11
Тақырыбы: Германияның экономикалық – географиялық жағдайы. Табиғат жағдайлары мен ресурстары. Халқы (слайдымен)
Мақсаты:
А) Білімділік: Оқушыларға Германияның экономикалық - географиялық жағдайының басты ерекшеліктері, геосаяси жағдайының қолайлығы, табиғат ресурстарының түрлері, табиғи ортаны қорғау шаралары туралы білік - дағдыны қалыптастыру.
Ә) Тәрбиелік: қосымша ақпарат көздерінің көмегімен Германияның ірі қалаларымен, неміс халқының тұрмысымен, әдет - ғұрыптарымен таныстыру.
Б) Дамытушылық: Оқушыларды ізденіске, еңбекқорлыққа, іскерлікке, қиындықты ойлана отырып шешуге, логикалық ойлауын дамыту, география пәніне танымдық қызығушылығын арттыру.
Сабақтың түрі: дәстүрлі емес сабақ
Сабақтың әдісі: конференция сабақ, рөлдік ойын, картамен жұмыс.
Сабақтың көрнекілігі: Дүние жүзінің саяси картасы, атлас, слайд, видеоролик.

Барысы:
І. Ұйымдастыру. Оқушылардың сабаққа қатысын түгендеу және бағалау критерийлерімен таныстыру.
ІІ. Зерделілік блогы: «Еуропаның шаруашылығы». « Ең, ең.......» сұрақтарын қою.
1. Қазіргі кездегі Еуропа экономикасының ең басты ерекшелігі? (шаруашылықтың батыс пен орталықта басым шоғырланып, біртұтас Еуропалық экономикалық орталықтың құрылуы)
2. Еуропадағы өнеркәсіптің ең жетекші саласы? (машина жасау)
3. Бүкіл дүние жүзіндегі ең «химияландырылған» ел? (ГФР)
4. Еуропаның негізгі энергетикалық ресурсы? (көмір)
5. Еуропадағы энергия өндіруде АЭС ең көп елі? (Франция 40)
6. Аймақ бойынша энергия өндіруде СЭС негізделген елі? (Скандинавия елдері)
7. «Мұз бен от елі» немесе геотермалдық энергияға бай елі? (Исландия)
8. Еуропа бойынша қара металлургияның ең ірі комбинаты қай елде? (Италия)
9. Түсті металлургияның аса маңызды саласы? ( алюминий және мыс өнеркәсібі)
10. Еуропаның «орман цехы» немесе ағаш өнеркәсібі ең дамыған елдері? (Швеция, Финляндия)
11. Ең алғашқы жеңіл өнеркәсіп орталықтары қандай елдерде дамыды? ( Ұлыбритания, Бельгия, Франция, Италия, Польша, Ресей)
12. «Еуропаның сүт фабрикасы» атанған елі? (Дания)
13. Еуропаның ең ірі порты? (Роттердам)
14. Жүк тасымалында ең маңызды өзені? (Рейн өзені)
15. Ғылыми - зерттеу орталығының ең ірісі? (Ұлыбритания – Кембридж)
16. Аса ірі қаржы орталығы немесе «банкир елі»? (Швейцария, Цюрих қаласы)
17. Дүние жүзіндегі туристер ең көп баратын елі? (Франция, жыл сайын 77 млн жуық)
18. Еуропаның ең ірі бұғазы? (Ла - Манш)
ІІІ. Ақпарат блогы. Германияның әнұраны орындалады. Оқушылар рөлге еніп, берілген тапсырмаларын қорғайды.

Жоспары:
1. Экономикалық - географиялық және геосаяси жағдайы, аумағының құрамы –
Германия Сыртқы істер министрі
2. Табиғат ресурстары – Энергетика министрі, Спорт және туризм министрі
3. Табиғат қорғау - Қоршаған ортаны қорғау министрі
4. Халқы – Демограф
5. Сыртқы экономикалық байланыстары – ҚР баспасөз хатшысы