InfoHub Logo

Жалпы білім беретін мектеп оқушылары арасында өтетін аймақтық - 5 - ші «Жарқын болашақ» байқауының сценарийі

Мақсаты: Қазақстан Республикасының «Білім туралы», «Қазақстан Республикасындағы тіл туралы» Заңдарын, ел Президенті Н. Ә. Назарбаевтың «Қазақстан - 2050» стратегиясы – қалыптасқан мемлекеттің жаңа саяси бағыты атты жаңа Қазақстан халқына Жолдауын жүзеге асыру, бәсекеге қабілетті жас ұрпақты тәрбиелеу, оқушылардың мемлекеттік тілге, қазақ халқының әдебиетіне, мәдениетіне, өнеріне, ұлттық құндылықтарына деген сүйіспеншілігін арттыру, оны қастерлеуге баулу.
Өтетін жері: Қазақ - түрік лицей - интернатының жиын залы
Өткізілетін уақыты: 9 ақпан 2013 жыл, сағат 10. 00
(Қазақтың әсем ұлттық әуені ойнап тұрады, сахна безендірілген, баннер ілінген)
Фанфара (2 жүргізуші шығады)

1 - ші жүргізуші: Қош келдіңіздер, құрметті әдебиетті, өнерді, тілді сүйетін қауым, аяулы ұстаздар мен ардақты оқушылар, бүгінгі оқушылардың өнерін тамашалауға келген ата - аналар мен жанкүйерлер!
2 - ші жүргізуші: КАТЕV Халықаралық коғамдық қорының бастамасымен облыстық білім басқармасы және Жезқазған қаласы дарынды балаларға арналған облыстық қазақ - түрік ерлер лицей - интернатының ұйымдастыруымен жалпы білім беретін мектеп оқушылары арасында өткізілетін «Жарқын болашақ» 5 - ші Республикалық қазақ тілі олимпиадасына қош келдіңіздер!

1 - ші жүргізуші: «Жарқын болашақ» 5 - ші Республикалық қазақ тілі олимпиадасының аймақтық кезеңіне Жезқазған, Сәтбаев қалалары мен Ұлытау ауданы мектептерінен 100 - ден астам оқушы қатысып, өнер додасында бақ сынады. Бүгін аймақтық байқауға аудандық, қалалық мектептерден «Жүзден – жүйрік, мыңнан - тұлпар» шыққан 24 оқушы қатысқалы отыр.

2 - ші жүргізуші: «Жарқын болашақ» 5 - ші Республикалық қазақ тілі олимпиадасының аймақтық кезеңін ашық деп жариялаймыз.

(ҚР ӘНҰРАНЫ ОЙНАЛАДЫ)
1 - ші жүргізуші: Дауға салса алмастай қиған, сезімге салса қырандай қалқыған, ойға салса қорғасындай балқыған Ана тілінен артық қазақ үшін бұл дүниеде қымбат не бар екен?!
Бұл жанды тіл – менің азат тілім,
Жадымда талмай самғар қанат тілім.
Бірлік, достық, татулық жүрегі боп
Жасай бер, Ана тілім – Қазақ тілім!

2 - ші жүргізуші: Жанын сап, халқын сүйіп, баққан тілім,
Жалықпай құпиялар ашқан тілім!
Жаһанның төрт бұрышы түгел танып,
Жат жұрттан да достарын тапқан тілім!