InfoHub Logo

Айнала тып - тыныш. Безендірілген әдемі шырша. Шырша түбінде аю ұйықтап жатады. Залға Аққала әндетіп кіреді.

Аққала:
Қар жауғанда топ бала,
Соқты келіп аққала.
Мұрным – сәбіз, үп - үшкір.
Көзім – көмір, қап - қара.
Көне шелек басымда,
Сыпырғышым қолымда.
Мен осындай аққала.
Сәлеметсіңдер ме, балалар? Қандай әдемісіңдер? Қандай сүйкімдісіңдер? Балалар, жаңа жыл мерекесіне дайынсыңдар ма? Ендеше барлығымыз орнымыздан тұрып, шеңбер құрып «Ақшақар» әнін айтайық!
Ән «Ақшақар»

- Шыршамыз қандай әсем? (аққала шыршаны айналып жүріп, шалынып қалады) Ал, мынау жатқан не? (жатқан аюды таяқпен түртеді).
Аю: - Бұл кім менің мазамды алған? Мені неге ояттыңдар? Қыста күн суытқанда мен ұйықтағанды жақсы көрем. Сендер неге жиналып алғансыңдар? Неге әдемі киініп алғансыңдар? Бүгін қандай мейрам?

Аққала:
Даламызға, қаламызға,
Жаңа жыл кіріп келеді.
Қартыңызға, балаңызға,
Жалынды сәлем береді.
Жаңа жылды біз тойлап,
Шаттанамыз бәріміз.
Өлең де әзір, ән де әзір,
Ойын да әзір - бәрі әзір.
Кел, аюжан, біздерге,
Мерекені тойлатып,
Би билейік, ән салып.

Аю:
Жаңа жылдың алдында
Тойды еске алайын.
Ұйқымды ашып сергідім,
Ұйықтамаймын мен бүгін!
Жылды қарсы алайық,
Би билеп, ән салайық.
Аққала: - Балалар, ендеше аюға «Қонжық» әнін айтып берейік.
Ән «Қонжық»
Ортаға Қызыл телпек жүгіріп кіреді.
Қызыл телпек: - Көмектесіңдерші? Құтқарыңдаршы?
Аққала: - Қызыл телпек, саған не болды?
Қызыл телпек: - Мен сендерді жаңа жыл мерекесімен құттықтауға келе жатыр едім, қасқыр жолығып, содан қашып келемін. Көмектесесіңдер ме, маған?
Аққала: - Балалар, Қызыл телпекке көмектесеміз бе?
(залға алқынып қасқыр кіреді)
Аққала: - Ау, сәлеметсің бе, серім, қайдан жүрсің, алқынып? Жаңа жылын құтты болсын!
Қасқыр: - Құтты болса, құтты болсын, әйтеуір етті болсын.
Аққала: - Қасеке, бірдемеден айырылғандай көзіңіз алақ - жұлақ етеді ғой?
Қасқыр: - Әлгінде ғана Қызыл телпектен айырылып қалдым.
Аю: - Қызыл телпек сенен қорыққан ғой.
Аққала: - Қасеке, бүгін мейрам, бүгін той.
Қулық - сұмдықты қой.
Оданда мерекені бізбен бірге тойла.
Қасқыр: - Онда менің көңіл - күйімді көтеріңдер.
Аққала: - Балалар, біз Қызыл телпекке көмектесіп би билеп берейік.
Би «Қуанамыз біз қалай?»
Қасқыр: - Балалар, не деген әсем әуен, көңілді би, тіпті менде билеп кетіппін. Бірақ, мен сендермен ойнағым келеді. Жеңсеңдер Қызыл телпекті босатамын, жеңілсеңдер, орманға алып кетемін.
Аққала: - Балалар, қасқырмен бірге ойнаймыз ба?