InfoHub Logo

Мақсаты: Балалардың жолда жүру туралы алған білімдерін тиянақтау. Жол белгілерін айыра білуге дағдысын қалыптастыру. Іс жүзінде қолдануға қызығушылықтарын тудыру. Балаларды мейірімділікке, байқағыштыққа тәрбиелеу.
Көрнекіліктер: Жол белгілері, көше макеті, бағдаршам, алдын ала әзірленген киімдер, ойыншық машиналар.
Әдіс тәсіл: Ойын, сұрақ - жауап, сахналау.
Ұйымдастыру кезеңі: Балалар шеңберге тұрып, қимылмен:
- Армысыз, қайырлы күн!
- Армысыз, Қайырымды Аспан - ата!
- Армысыз, мейірімді жер - Ана!
- Армысыз, шұғылалы Алтын - Күн!
- Қуанайық, шаттанайық бәріміз!
- Күліп шықты күн бүгін!
- Бәріміз күндей жарқырайық!
- Бәріміз тату болайық!
- Бәріміз дос болайық!- деп бір - біріне лебіздерін білдіреді.
Тәрбиеші: Балалар, бүгінгі күнімізде сендерге мен де сәттілік тілеймін.
/осы кезде есік қағылып пошташы хат әкеледі/
Тәрбиеші: Балалар, бізге хат әкеліпті. Кәне, оқиық. «Жол белгілері елінің тұрғындарымыз. Біздің жол белгілерін мыстан кемпір сиқырлап тастады. Енді біздің елімізде жол апаттары болып жатыр. Бізге көмектесіңдер!»Сәлеммен, жол белгі елінің тұрғындары.
Тәрбиеші: Көрдіңдер ме, балалар, жол белгілерінсіз, бағдаршамсыз, жолда жүру өте қиын екен. Олай болса, Біз автобуспен «Жол ережелері еліне» саяхатқа барамыз. Ол үшін балалар, алдымен көлікте, автобуста жүру ережелерін есімізге түсірейік.
Балалар:
- Автобусқа, трамвайға артқы есіктен кіріп, алдыңғы есіктен шығу керек.
- Жасы үлкен, кішкентай бөпелі адамдарға орын береміз.
- Автобуста айқайлап сөйлеуге, қатты күлуге болмайды, ол әдепсіздікке жатады.
- Ашық есік, терегеден басын шығарып қолын созуға болмайды, олай істеу қауіпті.
Тәрбиеші: Өте дұрыс. онда автобусқа мінейік, сапарға аттанайық./Үн таспадан музыка ойналады. Автобустан түскенде алдарынан жылаған бала шығады/
Тәрбиеші: - Балақай сен кімсің, саған не болды?
Бауыржан:- Мен жол белгісімін, мені және менің достарымды мыстан кемпір сиқырлап тастады. Мына жұмбақты шешкенде ғана менің сиқырым кетеді./Қолындағы қағазды ұсынады/.
Тәрбиеші:- Ілулі тұрған не белгі?
Машинаға «тоқта» деген белгі берді.
Жол үстінде ақ - қарамен сызылған жолақтар.
Жаяуларға «өтіңдер» деп белгі берді.
Балалар: Жаяулар өткесі.
Тәрбиеші: Балақай қалған достарыңа барайық, оларға көмектесейік!
Үйдің ішінен бір - бірлеп балалар шығады.
Нұрбол
Бір ғажабы бұл жерде
Бір нәрсені ел күтеді
Отырады біреуі
Тік тұрады біреуі
Неғылған жер бұл өзі
Айтыңдар кім біледі?
Балалар:- Аялдама