InfoHub Logo

Батыс Қазақстан облысы,
Теректі ауданы, Шаған Жалпы орта білім беретін мектебінің
қазақ тілі мен әдебиеті пәні мұғалімі Ханов Шохан Уалиханович

Қазақ тілі 5 сынып
Тақырыбы: Мақал – мәтелдер
Мақсаты: 1. Мақал – мәтел туралы білім беру.
2. Сөздік қорын молайту.
3. Сөйлеу мәдениетін қалыптастыру.
Күтілетін нәтиже
1. Мақал – мәтел туралы білім алады.
2. Мақал мен мәтелді айыра біледі.
3. Сөздердің сипатына қарай өмірде қолданады.

Сабақ кезеңдері
І. Ұйымдастыру кезеңі.
Оқушылармен амандасу. Сергіту сәті.
«Шаттық шеңбері» тренинг өткізу. Оқушыларды топқа бөлу.
І топ: «Кітап» тобы ІІ топ: «Достық» тобы ІІІ топ: «Отан» тобы
Оқушыларды ІІІ топқа бөліп отырғызамын. Топқа бөлу үшін кеспе қағаздар сандықшаға салынады, сандықтан алып өз топтарына жайғасады.

ІІ. Үй тапсырмасын сұрау.
117 - жаттығу. Көшіріп жазып, тұрақты тіркестердің астын сызу.
ІІІ топқа 10 тұрақты тіркес беріледі. Тұрақты тіркесті бір бөлек, мағынасын бір бөлек жинайды.
І топ: «Кітап» тобы:
Ине шаншар жер жоқ – толық, тығыз
Инемен құдық қазғандай – қиын, ауыр
Инені жіпке тізу – бәле қуу
Иненің жасуындай – азғантай
Иненің көзінен өткендей – пысық

ІІ топ: «Достық» тобы:
Аузын буған өгіздей – үндемейтін адам
Аузына құм құйылды – жағы қарысты, сөйлей алмады
Аузынан бір елі тастамайды – үнемі айтады
Аузынан салбырап түскендей – айнымай ұқсаған
Аузының салымы бар – несібелі кісі
ІІІ топ: «Отан» тобы:
Құлағы тесік – әр нәрседен хабардар адам
Құлағын бұрау – үгіттеу
Құлағын түру – назар салу
Құлағына кірмеу – ұқпау
Құлаққағыс ету – айтар ойдың ұшын шығару