Мөңке Темір
Мөңке Темір (Менгу Темір) — Алтын Ордада 1266-1280 жылдары билік жүргізген хан. Мөңке Темір — Тоқайдың ұлы, Бату ханның немересі. Мөңке Темір дарынды билеуші болып, Алтын Орданың одан әрі гүлденуіне мүмкіндік жасады. Ол Алтын Орданың толықтай дербес мемлекет болуына қол жеткізді. Оған дейін Алтын Орда Қарақорымдағы Ұлы қағанға бағынышты болса, Мөңке тұсынан бастап барлық істерін өздері шешетін болды. Ешкімге тәуелсіз билеуші екенін көрсету үшін Мөңке Темір өз атынан теңгелер шығара бастады. Мөңке Темір Алтын Орданы аса күшті мемлекетке айналдырды. Ел астанасы Сарай қаласы тез үлкейіп, мемлекеттің саяси, сауда, мәдени орталығына айналды. Кавказ, Қырым, Еділ, Сырдария бойындағы қалалар жедел өркендей бастады. Сирия, Египет, Батыс Еуропа елдерімен тығыз байланыс орнатты. Мөңке Темір тамағына белгісіз бір жара шығып қайтыс болған.
You Might Also Like
-
Мұхтар Шаханов — ақын. Ол 1942 жылдың 2 шілдесінде Оңтүстік Қазақстан облысының Қасқасу ауылында дүниеге келген. 1996 жылдан бері Қазақстан Республикасының халық жазушысы.
-
Мөде қаған (қытай жазбаларында Маодунь, кейбір әдебиеттерде Оғыз қаған, т.ж.б. - б.з.б. 174 ж.) — ғұндардың әйгілі тәңірқұты. Әкесі Тұман да ғұн көсемі болған. Мөде әкесі дүниеден қайтқан соң...
