InfoHub Logo

Жиен ел болмайды, желке ас болмайды.
 
*** *** *** ***

Жиен неге ел болмасын жайлы болса,
Желке неге ас болмасын майлы болса.

*** *** *** ***

Нағашымен күрескен жиен жығылады.
 
*** *** *** ***

Жиеннің назары жаман.
 
*** *** *** ***

Жиенді ұрғанның қолы қалтырайды.
 
*** *** *** ***

Жиен нағашысына тартады.
 
*** *** *** ***

Балалығыңды сағынсаң,
Нағашыңа бар.
Жігіттігіңді сағынсаң,
Қайныңа бар.
 
*** *** *** ***

Балдыз болса қаншалық,
Бажа болар соншалық.
 
*** *** *** ***

Жиен мыңнан үлкен,
Күйеу жүзден үлкен.
 
*** *** *** ***

Жиен жеткізеді.
 
*** *** *** ***

Үйдің жақсы болуы — ағашынан,
Жігіттің жақсы болуы — нағашыдан.
 
*** *** *** ***

Туыс — тау, қайын — қанат, нағашы — нар.

---