Өлген де өзі, өлгенін келіп естірткен де өзі
Бірде Қожа қала сыртында жүріп, бір нәрседен жаман қорқып, талып қалады.
— Өлген деген осы екен, — деп жата береді, бірақ сүйегін әкетуге ешкім келмейді. Жата-жата Қожа зерігеді, қарны аша бастайды. Сонсоң ол үйіне келіп, қалай, қайда өлгенін әйеліне айтып, өзі әлгі өлген жеріне қайта кетеді.
Әйелі бетін жыртып, шашын жұлып, жылап-сықтап, көршілеріне барып, Қожаның далада жүріп тосыннан қайтыс болғанын, денесі әлі далада жатқанын естіртеді. Көршілері қайғырып, Қожаның қайда, қалай өлгенін, кім келіп естірткенін сұрайды.
Сонда Қожаның әйелі:
— Қожа байғұстың жанашыр кімі бар? Өлген де өзі, өлгенін келіп естірткен де өзі, — деп, Қожа жатқан жаққа қарай жүре беріпті.
You Might Also Like
-
Бір күні Қожа кемешілердің қасына келеді, лаулап жанып жатқан отты көріп, Қожа:
-
Қожа бірде тоғайға отын ала барғанда бір қоян ұстап алады. Оған дейін қоянды көрмеген де, білмейді де екен. «Бұ неткен ғажап аң еді! Үйге апарып, жұртқа көрсетейін, біреу болмаса, біреу қанда...
