InfoHub Logo

Ұйымдастырылған оқу іс – әрекетінің технологиялық картасы
Тақырыбы: Өлі табиғат және тірі табиғат
Мақсаты: Балаларды өлі және тірі табиғат туралы, жан-жақты түсінік беру. Ойлау және сезіну қабілеттерін қалыптастыру. Табиғатқа деген қамқорлыққа тәрбиелеу.
Қажетті құрал - жабдықтар, көрнекіліктер тамшы суреті, зерттеуге арналған құралдар: стақан, су, қасық, кесе, тұз, қант.

Мотивациялық - қозғаушы
Таңертеңгі шеңбер
Біз қандаймыз, қандаймыз
Шұғылалы таңдаймыз
Күлімдеген күндейміз
Ренжуді біз білмейміз
Қуанамын мен де
Қуанасын сен де
Қуанайық достарым
Арайлап атты таңға.

Ұйымдастырушылық – ізденушілік
- Балалар таңертең ұйқыдан тұрғанда кімді көресіңдер?
Далада, балабақшаға келе жатқанда нені көресіңдер?
- Балалар қалай ойласыңдар, күн, су, ауа керек пе?
- Осының барлығын бір сөзбен айтқанда не дейміз?
Табиғат екіге бөлінеді: Өлі табиғат және тірі табиғат. Кәне бәріміз қайталайық.
- Өлі табиғатқа су, ауа, жер, күн, бұлт.
- Балалар міне, менің қолымдағы ыдыста не бар?
- Оның түсі қандай?
- Қар, қай мезгілде болады?

Тәрбиеші балаларға жұмбақ жасырады:
1. Дәмі де жоқ, түсі жоқ,
Пайдаланбас кісі жоқ.

2. Ақ сандығым ашылды
Ішінен жібек шашылды.

3. Өмірде одан мол ештеңе болмайды,
Құшақтасаң құшағың тең болмайды.
- Мынау не?
- Түсі қандай?
- Дәмі барма?
- Суды қалай пайдаланамыз?
- Су керек пе?
- Балалар судың пайдасы мол. Су түрлі өзгеріске ұшырайды, бұға айналады, бу қайтадан су күйінде жаңбыр болып жауады, су мұз болып қатады.
- Су отты өшіре алады, суды адам барлық тіршілігіне пайдаланады.
Кім су туралы тақпақ біледі.

Сергіту сәті:
Орнымыздан тұрайық,
Қанатты жазайық
Құс болып ұшайық,
Бір отырып, бір тұрып
Біз тынығып алайық.
Өлі табиғат және тірі табиғат. жүктеу