InfoHub Logo

Сабақтың тақырыбы: Қазақстандағы этносаяси үрдістер, қазақ халқының халық болып қалыптасуының аяқталуы.
Сабақтың мақсаты:
Білімділік: Қазақ жерінде қазақ халқының этникалық және антропологиялық негізінің қалануы, орта ғасырлардағы этникалық өзгерістер сияқты күрделі мәселелерге тоқтала отырып, Қазақстандағы этносаяси қауымдастықтың ерекшеліктерін көрсету.
Дамытушылық: Халық болып қалыптасу барысын ой елегінен өткізіп, тұжырым жасауға үйрету.
Тәрбиелік: Оқушыларды шапшаңдыққа, алғырлыққа баулу, халқының тілін, салт – дәстүрін, тарихын құрметтейтін азамат тәрбиелеу.
Сабақтың түрі: Аралас сабақ
Сабақтың әдісі: ойын, сұрақ – жауап, деректермен жұмыс
Көрнекілігі: интерактивті тақта, тапсырмалар жасырылған сандық пен бөшке, бағалау парақтары
Пәнаралық байланыс: Ежелгі Қазақстан тарихы, география, математика

Сабақтың барысы: І. Ұйымдастыру кезеңі
Оқушыларға жеке – жеке бағалау парақтары беріліп, өздері толтырып отырады.
Мұғалім: бүгінгі сабағымыздың ұстанымы:
Маған бақыт сабақ өту сіздерге
Көріп тұрмын, қуаныш бар жүздерде.
Жастық шақта жүріңіздер шат күліп,
Бәрімізге болсын серік сәттілік!

ІІ. Үй тапсырмасын сұрау
1. «Қызықты ұяшықтар». Тақтада 10 ұяшық берілген. Ұяшықтарды таңдау арқылы сонда берілген сұрақтарға жауап береді.

1 - ұяшық: 1155 ж Моңғолия жерінде Есугей батырдың отбасында дүниеге келген Моңғол империясын құрып, ұлы хан болып сайланған кім? (Шыңғысхан)
2 - ұяшық: 1370 ж Мауараннахрды басып алып, 35 жыл бойы жеке дара билік құрған, моңғолдың түркіленген барлас тайпасынан шыққан, Тарағай бектің баласы кім? (Әмір Темір)
3 - ұяшық: 1374 – 1375 жж Еділ бойына жорық жасап, Алтын Орданың астанасы Сарайды, Қажы – Тарханды алып Кама бұлғарларын бағындырған Ақ Орданың ханы кім? (Ұрыс хан)
4 - ұяшық: Алтын Орданың саяси және экономикалық жағынан дамуына барынша үлес қосқан, Алтын Орда мен Египет сұлтаны Бейбарыс арасындағы байланысты күшейткен Алтын Орда ханы кім? (Берке хан)
5 - ұяшық: 1380 ж бастап ол Алтын Орданың көптеген жерлерін басып алып, Алтын Орда мен Ақ Орданың бұрынғы қуатын қайта қалпына келтіруді ойлап Әмір Темірге тәуелділіктен бас тартқан кім? (Тоқтамыс)
6 - ұяшық: Ол ХІҮ ғ 90 жж Тоқтамыспен үздіксіз соғыс жүргізеді. Оның басты себебі, біріншіден, билік үшін күрессе, екіншіден, Ноғай Ордасының беделін көтеріп, ел аумағын ұлғайтуға тырысқан хан кім? (Едіге хан)
7 - ұяшық: 1481 - 1484 жж орыс мемлекетіне екінші рет елшілік жіберіп, орыс патшасы ІІІ Иванмен өзара сауда қарым – қатынасын орнату мақсатындағы достық одақ құруға шарт жасасып, келісімге келген хан кім? (Ибақ хан)
8 - ұяшық: 1428 ж Хан сайланған, Жошы ханның бесінші ұлы Шайбани ханның ұрпағы кім? (Әбілқайыр)
9 - ұяшық: Шыңғыс ханның 1217 ж Күшіліктің Жетісудағы иеліктерін басып алуға аттандарған нояны кім? (Жебе ноян)
10 - ұяшық: Египетпен байланысына кедергі жасауға тырысып отырған Византияға 1271 ж жорыққа шығады. Бірақ, Византия императоры соғыстан бас тартып, бейбіт келісімге келген. Бұл Алтын Орда ханы кім? (Меңгу – Темір хан)