InfoHub Logo

Ашық сабақтың тақырыбы: «Қазақстандықтардың Ұлы Отан соғысының шешуші шайқастарына қатысуы»
Ашық сабақтың мақсаттары:
Ұлы Отан соғысының себеп - салдарын, барысын, кеңістігін, уақытын, нәтижесін анықтау, Қазақстандықтардың Ұлы Отан соғысының басты шайқастарына қатысуы, ерліктері туралы оқушыларға мағлұмат беру.
Оқушылардың белсенділігін арттырып, тарих пәніне қызықтыру, білімдерін жетілдіру, ойлау, сөйлеу дағдыларын жалғастыру
Тарихи санасы қалыптасқан, соғыс атаулыға жаны қас, ержүрек, Отанын шексіз сүйетін, ұлттық рухы жоғары, шығармашыл жеке тұлға тәрбиелеу.

Сабақтың түрі: аралас
Әдісі: интерактивті
Көрнекілік: карта, слайд, флипчарт, суреттер, карточкалар
Сабақтың жоспары І. Ұйымдастыру кезеңі
ІІ. Үй тапсырмасын сұрау
III. Жаңа сабақты түсіндіру
IV. Сабақты бекіту
V. Бағалау, үй тапсырмасы

Сабақтың барысы: І. Ұйымдастыру кезеңі (1 минут)
• Оқушылармен амандасу, түгендеу, зейіндерін сабаққа аудару
ІІ. Үй тапсырмасын сұрау: Футбол ойыны арқылы ( қағазға жазылған сұрақты мұғалім 1 оқушының алдына тастайды, ол тез ашып оқып, білсе жауап береді, білмесе келесі оқушыға лақтырады) ( 7 минут) Сұрақтар:
Ұлы Отан соғысы қашан басталды?
А. Гитлердің соғыс қарсаңындағы жасаған жоспарының аты, бұл жоспар б - ша КСРО қандай аймақтарға бөліп жаулап алмақшы болды?
● Қазақстан бұл жоспарда қай бөлікте, Қазақстаннан басқа қандай мемлекеттер болды?
● Қазақстанға қандай оқу орны көшіріліп әкелінді, онда қанша офицер оқытып шығарылды?
● Қандай зауыт, фабрикалар Қазақстанға көшіріліп әкелінді, қай зауыт қайсы зауытпен алмасты?

Жаңа сабақтың жоспары:
1. Қазақстандықтар Мәскеу үшін шайқаста
2. Қазақстандықтар Ленинград үшін ұрыстарда.
3. Қазақстан - Сталинград майданының жақын тылы.

Жаңа сабақты түсіндіру: Электрондық оқулық 9 - сыныпқа арналған көру
Слайд арқылы: Соғыстың алғашқы кезеңінде Қазақ КСР - інде 14 атқыштар және атты әскер дивизиясы, 7 бригада құрылып, майданға аттандырылды. Брест қамалын қорғаушы Қазақстандықтар Ш. Шолтыров А. Наганов, В. Фурсов, Қ. Тұрдиев. Дивизия комиссары, оңтүстік - батыс майдан Әскери Кеңесінің мүшесі Е. П. Рыков басқарған 800 жауынгер 1941 жылы 20 - қыркүйекте неміс басқыншыларымен 3 күн бойы ұрысып, бәрі дерлік қаза тапты.