InfoHub Logo

Теміртау қаладағы № 16 орта мектебінің
қазақ тілі мен әдебиет пәні мұғалімі
Туякбаева Замзагул Исагалымовна

Сабақтың тақырыбы: Қызыл бет
Грамматикалық тақырып: Антоним
Мақсаты:
Білімділік: оқушылардың ізденіс жұмысын қалыптастыру, антоним туралы түсінік беру. Сөйлей, жаза білу дағдыларын қалыптастыру.
Дамытушылық: тез ойлау, сауатты жазуды дағдыландыру, сөздерді өзара дұрыс байланыстырып, ойды жүйелеп айту дағдысын қалыптастыру.
Тәрбиелік: Оқушылардың мемлекеттік тілге деген құрметін, қоршаған ортаға сүйіспеншілігін арттыру Сабақтың көрнектілігі: Саяхат картасы, қыс, тақырыпқа байланысты суреттер, автобус (қағаз).
Сабақтың түрі: Саяхат сабағы.
Сабақтың әдісі: Ойын әдісі, автобуспен саяхат жасау, сөйлеу.

Сабақтың барысы:
Ұйымдастыру кезеңі.
Кезекшімен диалог, тілдік ортаға көшу.

Фонетикалық жаттығу:
Алға бір адым, артқа бір адым
Отырамыз, тұрамыз.
Сабақта «бес» аламыз.
Үй жұмысын сұрап, бекіту, бағалау.
Ал енді балалар, мына жұмбақты шешімін табыңдар.
Аяз қысып, өрнек сызып,
Терезеңді торлайды.
Кейде ұлып, кейде жұлып,
Ұйтқып боран соғады.
Айтыңдаршы бөбектерім,
Бұл қай кезде болады?

Бүгінгі біздің тақырыбымыз қыс туралы, тақырып неге «қызыл бет» деп аталады? Мақсатымыз «Қыс» тақырыбына байланысты сөздерді білу, ол сөздерді дұрыс оқып, айта білу. Антонимге шолу жасаймыз.
Балалар, біз бүгін «Қысқы әлемге саяхат» жасаймыз. Аялдамаларда тоқтап, білімдерімізді тексереміз. Балалар саяхатқа дайынсыңдар ма?
Бұл саяхатқа кімдер барады екен? Танысып қоялық.
Сенің атың кім?
Сен нешінші сыныпта оқисың?
Сен қайда тұрасың?
Ал енді автобусқа мінелік, дұрыс отырыңдар.

Сөздік жұмысы.
1 - аялдама «Сөздік алқабы».
Оқушылар қыс тақырыбына байланысты сөздерді мұғалімнен кейін қайталайды (хормен бір - бірден).

2 - аялдама «Күз».
а) Күз айларын атаңдар.
б) Күзде не болады?
Жаңбыр жауады. Жапырақ сарғаяды. Күн салқындайды.
Құстар жылы жаққа ұшып кетеді. Қауын, қарбыз, алма, алмұрт піседі.
Кім «Күз» туралы өлең оқиды?

3 - аялдама «Қыс».
Оқулықтың 67 - бетіндегі «Қызыл бет» мәтінін оқу, аудару.
«Қыс» туралы өлең, жұмбақ айту.

4 - аялдама «Киім дүкені». Балалар, дүкенде қысқы жылы киімдер бар екен. Суреттерді көрсету, балалар киімдерді атап береді.

Сергіту сәті «Не артық?» ойыны

5 - аялдама «Орфография мұражайы». Мұражай қызметкерлері мынадай тапсырма дайындап қойыпты. Сөйлемдерге қажетті сөздерді тауып, дұрыс қойыңдар.
Қыс айлары: желтоқсан,......, ақпан.
Адамдар үстіне… киеді.
Адамдар қолына……… киеді.
Адамдар аяғына… киеді.
Қыста…… жауады.
Қыста…… қатады.
Балалардың беттері.......

6 - аялдама «Құттықтау алаңы». Оқушылар қыс мерекелерді атап, қонақтарды құттықтайды. Қыс мезгіліне байланысты антоним сөздерді атайды.
Оқушыларға үй жұмысын түсіндіру, бағалау, бекіту.