Қожа өзінің жүгінен өзі ат-тонын ала қашады (І түрі)
Қожа біреуді жалдап, жүгін соған көтертіп жолаушылап келе жатады. Бірде жол-жөнекей әлгі адамынан көз жазып қалады, қанша іздегенімен таба алмайды.
Арада он күн өткен соң Қожа достарымен келе жатқанда, бір досы:
— Әне, сенің іздеп жүрген адамың, — дейді. Мұны ести салысымен Қожа көзден ғайып болады.
Соңынан досы жолығып:
— Жаңағы адамды ұстап алудың орнына өзіңнің қашып кетуің қалай? — дейді.
Сонда Қожа:
— Ол менің жүгімді көтеріп жүргелі он күн болды. Егер ол мені ұстап алып: «Жүгіңді он күннен бері көтеріп жүрмін, ақысын төле», деп дауласса, мен не бетімді айтамын, — депті.
You Might Also Like
-
Қожа бірде тоғайға отын ала барғанда бір қоян ұстап алады. Оған дейін қоянды көрмеген де, білмейді де екен. «Бұ неткен ғажап аң еді! Үйге апарып, жұртқа көрсетейін, біреу болмаса, біреу қанда...
-
Қожаның әйелі дүние салғанда, пәлендей қайғы, реніштің нышаны жүзінен байқалмаса керек. Арада аз уақыт өткен соң Қожаның есегі өліп қалады. Қожаның қатты қайғырып, аза тұтып отырғанын көріп, достары:
