InfoHub Logo

Кембридж бағдарламасы үшінші (негізгі) деңгей бойынша
№13 Аркадий Гайдар атындағы орта мектебінің
Информатика пәні мұғалімі
Нурымбаев Ербол Алланазарұлының
2013 - 2014 оқу жылы барысындағы жүргізген жұмыстарының РЕФЛЕКСИВТІ ЕСЕБІ.

2013 жылы тамыз айында Орджоникидзе ОМГ - да деңгейлік курсты бітірген мұғалімдерге сертификаттар табыс етілді. Біз мектепте 3 мұғалім үшінші деңгей бойынша сертификаттарымызды алып, алға атқару үшін мақсаттар мен міндеттер қойдық.
Шығармашылық тақырыбым: «Сабақта компьютерлік графиканы пайдаланып, оқушылардың ойлау қабілеттерін мен қызығушылықтарын дамыту». Себебі информатика пәні болғандықтан компьютермен тікелей байланысты ғылым. Сонымен қатар ақпараттың дамуында болып жатқан жаңалықтарды білуді де талап етеді. Графикамен жұмыс жасағанда, адам бойында қызығушылық пайда болады.
І - тоқсан. Орта білім беру жүйесінде әлемдік жоғары деңгейге қол жеткізген анағұрлым танымал оқыту әдістемелері арасында сындарлы /конструктивті/ теориялық оқытуға негізделген тәсіл кең тараған. (Hattie, 2009 МАН 6б). Бұл бағдарламаның басым бөлігі, түрлі тәсілдер қарастырылғанына қарамастан, сындарлы оқыту теориясы негіздерін қамтыған.
Орджоникидзе ОМГ да аудандық білім бөлімінің ұйымдастыруымен өткізген, информатика пәні мұғалімдерінің тамыз кеңесінде алғаш рет деңгейлік курс бойынша құрылған панорамалық сабақ ретінде өткіздім. Сабақта 9 сыныптың «Компьютерлік желілер» тақырыбын 3 айлық курста қалай өткізгенім туралы көрсетіп бердім. Тамыз кеңесіне барлық мектептің информатика пәні мұғалімдері қатысып, өткізген сабақ бойынша сұрақтарын қойып, тәжірибе алмасты.
Мектептегі жұмысымызды мектептегі деңгейлік курсты бітірген мұғалімдермен кеңес құра отырып, орта және қысқа мерзімді жоспарларымызды дайындадық.