InfoHub Logo

Мұғалжар ауданы, Қандыағаш қалалық
№2 орта мектебінің қазақ тілі мен әдебиеті пәнінің мұғалімі
Нұрмағамбетова Роза Қылышбайқызы

(8-сынып)
Сөйлемнің тұрлаусыз мүшелері
Сабақтың тақырыбы: «Жоғын толықтырып, барын анықтайтын, дұрысын пысықтайтын»- қорытындылау сабағы.

Сабақтың мақсаты: білімділік – тұрлаусыз мүшелер бойынша алған білімдерін жинақтау, тұрлаусыз мүшелерді ажырата білуге дағдыландыру;
дамытушылық – оқушылардың байқампаздығын, ойлау шеберлігін, сөйлеу мәдениетін дамыту, шығармашылықпен жұмыс істеуге дағдыландыру, тіл байлығына үлес қосуға жол ашу;
тәрбиелік – деңгейлік тапсырмалар арқылы ізденімпаздық қасиеттерін қалыптастыру, ұлттық құндылықтарды сүйе білуге тәрбиелеу.

Сабақтың түрі: білімді қорытындылау.
Сабақтың әдісі: сұрақ – жауап, салыстыру, топтастыру, шығармашылық жұмыс.
Сабақтың көрнекілігі: Кесте, тірек сызбалар, көмекші құралдар.
Пәнаралық байланыс: әдебиет, тарих, әдеп.
Сабақтың өту барысы: Ұйымдастыру кезеңі. Оқушылардың сабаққа қатысуын, сынып тазалығын бақылау.
1.Оқушыларды сабаққа психологиялық дайындау, ойларын бір ортаға топтастыру.а) сыныпты үш топқа бөлу;
1-топ «Толықтауыш» - жоғын толықтырады
2-топ «Анықтауыш» - барын анықтайды
3-топ «Пысықтауыш» - дұрысын пысықтайды
ә) «Топтастыру» сызбаларын алдарына үлестіріп қоямын.