- 15 сәу. 2015 00:00
- 175
Тауып айтса мінді деп...
Тауып айтса мінді деп,
Жоғалтып бақ мініңді.
Өз етіңді жұлып жеп,
Ашпа алашқа сырыңды.
Мойындамай бақырма,
Бар жыныңды шақырма.
Айғайлама, ақырма,
Шығармай өл үніңді.
Таппай айтса егерде,
«Адасқаны мынау» деп,
Майдалап айт әр жерде,
«Берсін қауым сынау» деп.
Мына заман – қай заман,
Қаскүнемге жай заман.
Араздық пен өсекке
Өлшеуі жоқ бай заман.
Бай заманда байытпа,
Ақ жүректі айнытпа.
Ел қанатын қайрылтпа,
Қалжың деме мұнымды.
Бүл тілімді алмасаң,
Байыбына бармасаң,
Нәпсіге тоқтау салмасаң,
Айта алам ба шынымды?
Жоғалтып бақ мініңді.
Өз етіңді жұлып жеп,
Ашпа алашқа сырыңды.
Мойындамай бақырма,
Бар жыныңды шақырма.
Айғайлама, ақырма,
Шығармай өл үніңді.
Таппай айтса егерде,
«Адасқаны мынау» деп,
Майдалап айт әр жерде,
«Берсін қауым сынау» деп.
Мына заман – қай заман,
Қаскүнемге жай заман.
Араздық пен өсекке
Өлшеуі жоқ бай заман.
Бай заманда байытпа,
Ақ жүректі айнытпа.
Ел қанатын қайрылтпа,
Қалжың деме мұнымды.
Бүл тілімді алмасаң,
Байыбына бармасаң,
Нәпсіге тоқтау салмасаң,
Айта алам ба шынымды?