InfoHub Logo

Сабақтың тақырыбы: Тәуке хан тұсындағы қазақ хандығы
7 сынып
Сабақтың мақсаттары:
1. Білімділік: Қазақ хандығының саяси бөлшектенуі тұсында Тәуке ханның саяси шиеленістерді тоқтатып, қоғамда әділеттілік орнатуға бағытталған игілікті шаралары мен «Жеті жарғы» заңдар жинағының маңызын түсіндіру арқылы үлкен өзгерістер мен әлеуметтік даму кезеңдеріне терең үңіле отырып, тұңғыш құқықтық жүйенің қалыптасуы туралы мағлұмат беру.
2. Дамытушылық: Алған білімі негізінде ойлау қабілетін дамыту, еркін сөйлеуге, шығармашылық жұмыс жасай білуге дағдыландыру.
3. Тәрбиелік: заңдар жинағының мағынасын ашу арқылы оқушылардың бойына адамгершілікті ұялату.
Сабақ әдісі: Сын тұрғысынан ойлау стратегиялары.
Сабақтың типі: Жаңа сабақ.
Көрнекілік: Кесте, мәтіндер, слайдтар, тест.
Пәнаралық байланыс: Құқық негіздері.

Сабақ барысы:
1. Ұйымдастыру кезеңі.
Оқушылармен амандасып, ынта назарларын жинақтап, сабақты бастау.
2. Жаңа сабақ.

Қызығушылықты ояту. Топтастыру.
Тәуке хан туралы не білемін деп ойлайсыз?

Мағынаны тану. ЖИГСО - 2
Оқушыларға эксперт парақтарын тарату.
№ жеке жиналады. 1 - 1, 2 - 2, 3 - 3, 4 - 4 эксперт топ болады.
Эксперт топтың міндеттері:
1. Мәтінді оқу, үй тобына түсіндіру керек.
2. Жұмыс тобынан үй тобына қайтады.
Топқа түсіндіреді, талқылайды.

3. Топ спикері түсіндіреді.
Оқушыларға нөмірлері бойынша тапсырмалар
1. Тәукенің хан тағына отыруы.
2. Тәукенің «Жеті жарғысы».
3. «Жеті жарғы» бойынша ханның құқығы мен міндеттері.
4. Тәуке хан кезіндегі қазақ хандығының ішкі және сыртқы саяси жағдайы.

Тест
1. Тәуке ханның билік құрған жылдары:
А. 1680 - 1715ж
ә. 1598 - 1528ж
б. 1628 - 1652ж
2. Тәуке ханның тұсындағы астана:
А. Самарқан
ә. Түркістан
б. Отырар
3. Тәуке хан үш жүздің басын қосып құрылтай өткізілген жер:
А. Яссы
ә. Испиджап
б. Күлтөбе
4. тәуке ханның заңдар жинағы:
А. Жеті жарғы
ә. Заңдар
б. Әдет - ғұрыптар
5. «Жеті жарғы» заңдар жинағын жасауға қатысқан билер:
А. Төле би, Қазыбек би, Әйтеке би
ә. Бұқар жырау
б. Тәттімбет
6. «Жеті жарғы» бойынша хан құқықтары:
А. Барлық ру бірлестігінің басшысы, хандықтың басшысы, бас қолбасшы болуға
ә. Елші болуға
б. келіссөз жүргізуге