Тымпи (І түрі)
Қожанасыр мен әйелі қорадағы есегіне кезектесіп қарауыл болады екен. Бір күні әйелі екеуі серттесіп:
— Кім бұрын сөйлесе, сол кезексіз қарауыл болады, — депті.
Қожанасыр да сөйлемейді, әйелі де сөйлемейді. Мұнысынан хабар тапқан бір қу ұры екеуінің көзінше есекті жетелеп ала жөнеліпті. Мұны көріп тұрып, шыдамы таусылған әйелі:
— Әкетті, — деп сөйлеп жібереді.
Қожанасыр:
— Ал, ендеше, есекке сен қарауыл боласың, — деген екен.
You Might Also Like
-
Қожанасыр есегін сату үшін базарға кетіп бара жатыр екен. «Болмашы нәрсеге алушыны қашырып алмайын», — деп есектің құйрығын кесіп алып, қоржынға бүктеп салыпты да, жүре беріпті. Б...
