InfoHub Logo

Сыныбы: 10
Сабақтың тақырыбы: Тригонометриялық функциялардың негізгі қасиеттері мен графиктері
Сабақтың мақсаты:
1 Оқушыларды тригонометриялық функциялардың графигін салу арқылы қасиеттерімен таныстыру.
Есеп шығаруда қолдана білуге үйрету.
2 Оқушының график салу шеберлігін қалыптастыру және практикамен ұштастыруға үйрету, шығармашылығын және ойлау қабілетін дамыту.
3 Мәдениеттілікке, сауатты жазуға, ізденімпаздық пен шапшаңдыққа тәрбиелеу, дүниетанымын кеңейту.
Сабақтың көрнекілігі: Интерактивті тақта, куб
Сабақтың түрі: Кубизм әдісі бойынша жаңа сабақты меңгерту.
Әдіс – тәсілдері: Сұрақ – жауап, ойындар.

Сабақтың жүрісі:
1 І. Ұйымдастыру кезеңі
2 ІІ. Психологиялық дайындық
3 ІІІ. Үй тапсырмасын тексеру
4 ІV. Зерттеу
5 V. Суреттеу
6 VІ. Түсіндіру
7 VІІ. Сергіту сәті
8 VІІІ. Қолдану
9 ІX. Сабақты қорытындылау
10 X. Үйге тапсырма беру
11 XІ. Рефлексия
12 XІІ. Оқушыларды бағалау

І. Ұйымдастыру кезеңі
а) Оқушылармен амандасу
ә) Оқушыларды түгендеу
б) Сабаққа керекті құралдарды партаның үстіне шығару.
ІІ. Психологиялық дайындық
Математика – ғылымдар патшасы деп
Мойындаған бар ғылым жер шарында
Сол қағида тағы да дәлелденбек
Бүгінгі сабақ жоспарында!!!
Балалар, мен сіздерді бүгін «Кубизм» әдісімен таныстырғалы отырмын. Өздеріңіз білесіздер, кубтың 12 қыры, 6 жағы, 8 төбесі болады. Біз бүгінгі сабағымызды кубтың 6 жағы арқылы қамтимыз.

«Кубизм» әдісі:
І. Үй тапсырмасын тексеру
ІІ. Зерттеу. «Тригонометрияның және синустың, косинустың, тангенстің шығу тарихы»
ІІІ. Суреттеу
ІV. Түсіндіру
V. Қолдану
VІ. Сабақты қорытындылау

І. Үй тапсырмасын тексеру
1. Sin x функциясының периоды қандай?

«Тригонометрияның шығу тарихы»
«Тригонометрия» сөзі алғаш рет 1505 жылы неміс математигі Питикустың кітабының мазмұнында кездеседі. «Тригонометрия» ғылыми термин ретінде адамның практикалық әрекетінің нәтижесінде пайда болды.
Мысалы, олардың көмегімен қол жетпейтін заттарға дейінгі қашықтықты анықтау және географиялық карталарды құрастыруға арналған жергілікті жердің геодезиялық көшірмесін жасау жұмыстары бірқатар оңайлатылды.
«Тригонометрия» сөзін грек тілінен аударғанда «тригон – үшбұрыш», ал «метрео – өлшеу» деген мағынаны білдіреді. Басқаша айтқанда, тригонометрия – үшбұрыштарды өлшеу жөніндегі ғылым.
«Синустың, косинустың және тангенстың шығу тарихы»
«Синус» латынның «sinus – иілу, қисықтық» деген мағынаны білдіреді.
«Косинус» сөзі – латынның «complementy sinus», яғни «толықтауыш синус» деген сөз тіркесінің қысқартылған түрі.
«Тангенсті» Х ғасырда араб математигі Абу – л – Вафо енгізген. «Тангенс» латынның «tanger – жанасу» деген сөзінен шыққан.