InfoHub Logo

Ана тілі
Сыныбы: 4

Тақырыбы: Туған жердің ыстығы - ай (Қали Сапарбаев) (слайд)
Мақсаты: Оқушылар мәтінді түсініп оқиды, мазмұнын өмірмен байланыстырып, негізгі идеясын ашады.
Міндеттері:
- Оқушылар шығармашылықпен жұмыс істеуге, өз ойларын ашық, дәлелді сөйлеуге үйренеді;
- оқушылар таным мүмкіншіліктерін, сыни тұрғыдан ойлау қабілеттерін дамытады;
- Туған жерді, елді құрметтеуге, сүю керектігіне, көз жеткізеді.
Қолданылған модульдер:
1. Оқыту мен оқудағы жаңа тәсілдер.
2. Сыни тұрғыдан ойлауға үйрету.
3. Оқыту үшін бағалау.
4. Оқушылардың жас ерекшеліктеріне сәйкес оқыту.
5. Оқытуды басқару және көшбасшылық.
6. АКТ - ны пайдалану
7. Талантты және дарынды балаларды оқыту.

Мұғалімнің іс - әрекеті
Мен сабақты қалай бастаймын?
Оқушылармен амандасып,
көңіл - күйлерін сұраймын.
- Балалар, бүгінгі сабағымыздың сәтті, көңілді өтуіне тілектерімізді, ойларымызды байланыстырғыш жіп арқылы ортаға салайық.
- Ал, балалар, көздеріңді жұмып, өз сыныптарыңызға қандай ортақ тілектер айтар едіңіздер?
- Ендеше, балалар көздерімізді ашып, зейінімізді мына мақалға аударайық:
"Ынтымақсыз іс бітпес".
- Олай болса, балалар, осы жіптей үзілмей, қол ұстасып, татулықпен бірлесіп бір - бірімізге көмектесе отырып сабағымызда болатын тапсырмаларды орындайық.