InfoHub Logo

Сабақтың тақыры: Түсіндірмелі салалас
Мақсаты: білімділік : Түсіндірмелі салалас туралы түсінік беру, салаластың басқа түрлерінен ажырата білуге үйрету, түсіндірмелі салаластың тыныс белгілерін меңгерту;
дамытушылық: Өз бетімен шапшаң ойлау дағдыларын, есте сақтау қабілетін дамыту;
тәрбиелік: Ана тілін қадірлеу, адамгершілікке тәрбиелеу.
Оқыту әдістері: түсіндіру, сұрақ-жауап, салыстыру, талдау, жинақтау, іздендіру
Типі: жаңа білімді меңгерту
Түрі: сайыс сабақ

Барысы: 1. Ұйымдастыру
Сыныпты екі топқа бөлу, сабақтың мақсаты мен тақырыбын хабарлау.
Мұғалімнің кіріспе сөзі:
- Балалар, жарқын болашақтың иелері сіздерсіздер, «Болашақ бүгіннен басталады» дейміз. Жаңа ғасыр азаматы рухы биік, саналы, тәртіпті, жауапкершілігі мықты, ақылды, білімді, талапты болу керек.
Жүректе қайрат болмаса,
Ұйықтаған ойды кім түртпек.
Ақылға сәуле қонбаса,
Хайуанша жүріп күнелтпек,- деп Абай жырлап өткен.Олай болса ,ақыл сәулелері, «тереңдік», «өзбеттілік», «еркіндік», «шапшаңдық»,«айқындық» деп алып, «Болашақтың қаласына» сапар шегелік.

2. Жаңа материалды игерту.
«Ақыл тереңдігін сынау»
А) Түсіндіру
Сызба арқылы жаңа материалды мұғалім түсіндіреді.