![50 jas týǵan kúnge quttyqtaý](http://infohub.kz/uploads/thumbnail/20240114161817809_big.jpg)
- 14 qań. 2024 16:18
- 366
50 jas týǵan kúnge quttyqtaý
Erdiń jasy elý jas, bireýge az, bireýge kóp ýaqyt, qalaı bolǵanda da allanyń bergen jasyn jasap, denimiz saý bolyp týǵan-týysymyzdyń qasynda júre bereıik aǵaıyn! Týǵan kún qutty bolsyn!
Qutty bolsyn mereı toı, 50 jasyń
Ár ýaqytta domalap órge tasyń,
Qosaǵyńmen qosa aǵaryp, shóbere súı,
Eshqashanda kóńilińdi kir shalmasyn.
Tilerim ashyq aspan, juldyzdy tún,
Jyldan jylǵa jaqsaryp densaýlyǵyń
Nemerelerińniń qyzyǵyn qyzyqtaı ber,
Atanyp kýágeri altyn toıdyń.
50 degen jarty ǵasyr bul ómirde,
50 degen altyn toı nekelige.
Elý jylda – el jańa degen sóz bar
Sol elýge óziń de keldiń mine.
Qyzdaryń qıasyna qonyp jatyr
Kelin alyp jyly sýǵa qolyń batyr
Dúnıege kele bersin Pálenshıevter
Aldanysh qyp solarmen tańyńdy atyr.
Qyzmet etip, jan aǵa, elge kúnde,
Eńbegińmen bıikke órlediń be.
Zor densaýlyq, mol baqyt tileımiz biz
Erdiń jasy – elýge kelgenińde.
Zymyrandaı zýyldap barady kún,
Kóńilińniń qalaýyn tabady iniń.
Elý jasta bolyńyz el aǵasy,
Boıǵa jıǵan babalar danalyǵyn.
Elýge kelip elge bilingeniń,
Aqsaqaldyq atqa osy ilingeniń.
Qalyń eliń qaýmalap kelip otyr,
Toılaryń toıǵa ulassyn, inim meniń!…
Elý – degen júzdiń naǵyz jartysy,
Elý degen – danalyq qoı, ol anyq!
Oǵan jetse eljireıdi ár kisi.
Quttyqtaıdy bar aǵaıyn qol alyp.
Urpaǵyńyz júrsin deımiz
aıaq jaqqa oralyp,
Qýanyshtyń qamqasyna júrińizshi oranyp!
Elý jas – erdiń jasy
Artta qaldy bes asý men bes beleń,
Órge tartyp barady ómir - kósh degen.
Elý degen – erdiń jasy qyzýly,
Jastyq shaqtyń sońǵy ottary óshpegen.
Dýyldatyp dýly ortanyń dúrmegin,
Bir ǵanıbet jarq - jurq etip júrgeniń.
Elý degen – erdiń jasy eń kemel,
Arysym dep arqalanar nurly eliń.
Juldyz janyp, peıilińe tań kúlip,
Kúz de jetti sybaǵa alyp, sán quryp.
Qalpyńyzdan aınymańyz – shat kóńil,
Basyńyzdan baq ketpesin máńgilik.
Elý degen – erdiń jasy eńseli,
Elý degen – parasattyń ólshemi.
Jarqyldasań samǵap ushqan suńqardaı,
Azamat dep maqtan tutar el seni.
Tirlik – teńiz, es elýdiń eskegin,
Ánge tolsyn, kúıge tolsyn keshteriń,
Shyn júrekten baqyt tilep sarqylmas,
Qol soǵady barsha áriptesteriń.
Elý degen toly toı men dýmanǵa,
Taý sekildi kórinedi tulǵań da.
Qushaq - qushaq gúlin alyp kelipti,
Aq kóńilmen baýyr, týys - týǵan da.
Elý degen – es toqtatý, eseıý,
Elý degen – eldiń júgin kóterý.
Týǵan kúnmen quttyqtaımyz ózińdi,
Qanjyǵańa ilinsin dep qos elý.
Bir jaqsy úlgi kórip árkim sizden,
Teńeıdi bereri kóp altyn kúzge.
Elý jyl eńseńizdi bıik ustap,
Júrdińiz el aldynda jarqyn júzben.
Elý jas – endi ómirdiń bastalǵany,
Jetińiz talaı shyńǵa, asqarǵa áli!
Qos janar – qos balańyz aman bolsyn,
Sol emes pe ananyń basty armany!
Ne jetsin baq juldyzy jaǵylǵanǵa,
Bastaýy berekeniń tabylǵanǵa.
Bıikte bolsyn árkez juldyzyń dep,
Tileımiz bizdiń baýyr ….. janǵa!
Aýylǵa qut - bereke ornaǵansyn,
Aqterek ardaqtaıdy bel balasyn.
Týyńdy týǵan jerge tigip ediń,
Qydyr - baq qalaı seni qoldamasyn.
Qaldyryp artta qalaı qıyndyǵyń,
Aýyldyń kári jasyn súıindirdiń.
Birlikti, tirlikti de saqtaǵan el
Shattyqtyń shalqytady kúıin búgin.
Qońyrtóbe jaǵynan jel eskende,
Esdáýlet aqyn rýhy keńeskende.
Elin jebep júrgendeı elesteıdi
Qarash batyr sonaý bir belesterde.
Arnalsyn …janǵa aq - adal kún,
Er jasy elýińde baǵalandyń.
Kórkeıip Aqteregiń kúnnen - kúnge,
Rýhy qoldaı bersin babalardyń.
Turǵanda taǵdyr - talaı qyl ushynda,
Aýyldyń qaldyń saqtap tynysyn da.
Jurtyńdy jumyldyryp bir tilekke,
Taptyń sen jumysyn da, yrysyn da.
…jan, súıindirdi nar talabyń,
Halqyńnyń aq alǵysyn arqaladyń.
Janyńnyń jaqsylyǵy shýaq shashyp,
Bólensin baqyt - nurǵa shartarabyń.