Abyralyǵa
Men jasymnan kóp kórdim
Musylmandy, kápirdi.
Abyralydaı kórmedim
Namaz bilmes paqyrdy.
Qıraátin1 oqytyp
Kórip edim, shatyldy.
Nıet qyla bilmeıdi,
Ne qylady nápildi2.

Namazshamnyń3 artynan
Qurjań-qurjań etedi.
Jer ushyq4 bergen kisideı,
Tońqańdaı ma, ne etedi.
Nápil túgil namazy –
Bári jelge ketedi.

«Innataıyna kálkáýsar»5,
Pashol dereý, kúnákar
Aıaǵyn oılap aıtqany:
«Áni-shany kúlaptar».
Osy oqýmen namazdyń
Qaı jerinde saýap bar?
Tegin oılap baıqasań,
Munda mı joq, qulaq bar.

1 - Qıraát (arabsha) – oqý, quran oqý.
2 - Nápil (arabsha) – mindetti bes ýaqyt oqylatyn namazǵa qosymsha oqylatyn namaz.
3 - Namazsham (parsysha) – kún bata oqylatyn namaz. Sham – keshki, kesh.
4 - Jer ushyq – aýyrǵan adamdy kún batar aldynda kún batysqa qaratyp jerge jatqyzyp-turǵyzyp ushyqtaý.
5 - «Innataıyna kálkáýsar» - Káýsár súresi.


You Might Also Like