Kisige adamshylyq nege kerek?
Adamdyq – ózge aıýannan artyq demek!
It talaǵan tóbetten qalaı deısiń,
Aıamaı ál kelgenin julyp jemek.
Meıirimsiz qasqyrda da kúshti ómir bar,
Artylǵan jeriń qaısy onan bólek?
Únemi sen jerińdi qaıdan bildiń?
Bul dúnıe kezek berer isti óńgelep.
Onan qorqyp, obyrlyq qoımasań da,
Adam bop, haıýannan bolsańshy erek!
Jalmaǵansha, járdemiń tıgizseńshi,
Jyǵylǵan, jylaǵanǵa bolyp kómek.
Marhamatty teris dep kim aıtady,
«Adamshylyq – sol» deıdi tamam zerek.
«Meıirim – jaqsy, zulymdyq – jaman» deısiń,
Qasqyrlyqqa qaıtesin qur dóńgelep.
Jany ashyp járdem qylmaı ótken adam –
Ósip, óship qulaǵan bir báıterek.
 

---