Adasqan shaǵala
Janym-aý, qaıdan júrsiń, aq shaǵala,
Kelseń kel, bul ólkeni jat-sanama.
Ot-sýy mol osynaý baıtaq alqap,
Saıa bolǵan batyrǵa, patshaǵa da.

Qylsha moıyn janym-aý,qylysh qanat.
Qımaı meni keldiń be týys sanap?
Aq nıetpen keldiń ǵoı qalaıdaǵy,
Shashsam ba eken kún nuryn ýystap ap.

Aıdynym joq tósińmen shımaılaǵan,
Aıalaıdy, áldılep mıdaı dalam.
Tolqynǵa qonaqtaǵan erke-totaı,
Tolqynsyz qara sýǵa qımaı baram.

Kim eken saǵan etken zorlyq, qysym,
Adasqan Atyraýdan zarlyqpysyń?
Kólshigim, bulaqtarym - bári saǵan.
Adasqan Otanynan zarlyq qusym.

Qonbasyńdy bilemin qyr basyna,
Tolqynyń joq janyńmen syrlasýǵa.
Bóri de tabylar-aý búl ómirden,
Tek Otanyń jetpes-ti bir basyńa...


You Might Also Like