- 14 sáý. 2015 00:00
- 222
Aqylshy torǵaı
Bir adam júredi eken tuzaq quryp,
Bir torǵaı ustap aldy súıtip júrip,
Balalarǵa sataıyn dep oılapty,
Torǵaıdy jazyp alyp ustap turyp.
Sonda torǵaı sóılepti adamdaıyn:
Bosatsań, úıretemin baılyq jaıyn.
Azar bolsa satarsyń úsh tıynǵa,
Men saǵan bir paıdaly sóz aıtaıyn.
Buryn-daǵy sattyń ǵoı talaı qusty,
Qane, sonan qanshalyq paıda tústi?
Toımaq túgil búıiriń shyqqan da joq,
Hareket dep oılama mundaı isti.
Aıtaıyn úsh aýyz sóz, uǵyp alsań,
Óz obalyń ózińe uqpaı qalsań.
Sony bilseń –esepsiz baı bolasyń,
Mal tabýǵa aıla sol, tilge nansań.
Alǵashqy sózdi aıtamyn qolda júrip,
Onan keıin qoraǵa qoı qondyryp.
Ekinshisin sol jerde uqtyraıyn,
Eń sońǵysyn aıtamyn talda otyryp.
Tuzaqshy qýanypty osy sózge,
«Keldim ǵoı –dep –baq qonar jaqsy kezge».
Aýzynan bosatpaqqa ýáde berdi,
Aldasa, torǵaı kóp dep munan ózge.
Torǵaı aıtty: – Árqashan ańdaǵaısyń,
Orynsyz ótirikke nanbaǵaısyń.
Oılanbaı aldaý sózge sene kórme,
Teginde shynnyń joǵyn qamdaǵaısyń.
Bul sózge tuzaqshynyń kóńli unady,
Torǵaıdy bir dýalǵa qondyrady:
Alǵashqy bul sózińdi ábden uqtym,
Ekinshi sóziń qandaı? – dep surady.
Torǵaı turyp aıtady tamǵa qonyp:
Ótken iske ókinbe yza bolyp.
Ketken qaıtyp kelmeıdi keıigenmen,
Qur júdeısiń ishińe qaıǵy tolyp.
Sony aıtyp ushyp-qondy bıik talǵa:
Bolamyn nege tutqyn sendeı shalǵa.
Bar edi on mysqaldaı gáýhar tasym,
Aıryldyń sony ala almaı aldaǵanǵa.
Gáýhardy saǵan bermeı kettim aldap,
Ustaýǵa qolyń jetpes endi qarmap.
Muny alsań álem asqan baı bolýshy eń,
Ala almaı ókinishte qaldyń zarlap.
Torǵaıdyń aldaǵanyn sonda bilip,
Tuzaqshy ókinedi qaıǵy qylyp.
Qudaı bergen asyldan aıryldym dep,
Jylaıdy óz saqalyn ózi julyp.
Sonda torǵaı aıtady:–Eı, nadan, mas,
Tym uǵymsyz ekensiń, aqymaq nas.
Úsh mysqaldyq denem joq, kishkentaımyn,
Qaı jerime sıady ol gáýhar tas?
Áýeli qısynsyzǵa nanba dedim,
Aldaý sózge boıyńdy salma dedim.
Ekinshi – ótken iske ýaıym jep,
Emi joq bos qaıǵyǵa qalma dedim.
Orynsyz ótirikke sonsha nandyń,
Ótken iske ókinip qaıǵylandyń.
Úshinshi sózdi saǵan úıretpeımin,
Aldyńǵy eki sózdi uqpaı qaldyń.
Sony aıtyp torǵaı ketti aspanǵa ushyp,
Shal qaldy del-sal bolyp qaıǵy qysyp.
Sol torǵaı úshinshide ne aıtpaq edi,
Sony tap, esti bolsań, oıǵa túsip?
Bir torǵaı ustap aldy súıtip júrip,
Balalarǵa sataıyn dep oılapty,
Torǵaıdy jazyp alyp ustap turyp.
Sonda torǵaı sóılepti adamdaıyn:
Bosatsań, úıretemin baılyq jaıyn.
Azar bolsa satarsyń úsh tıynǵa,
Men saǵan bir paıdaly sóz aıtaıyn.
Buryn-daǵy sattyń ǵoı talaı qusty,
Qane, sonan qanshalyq paıda tústi?
Toımaq túgil búıiriń shyqqan da joq,
Hareket dep oılama mundaı isti.
Aıtaıyn úsh aýyz sóz, uǵyp alsań,
Óz obalyń ózińe uqpaı qalsań.
Sony bilseń –esepsiz baı bolasyń,
Mal tabýǵa aıla sol, tilge nansań.
Alǵashqy sózdi aıtamyn qolda júrip,
Onan keıin qoraǵa qoı qondyryp.
Ekinshisin sol jerde uqtyraıyn,
Eń sońǵysyn aıtamyn talda otyryp.
Tuzaqshy qýanypty osy sózge,
«Keldim ǵoı –dep –baq qonar jaqsy kezge».
Aýzynan bosatpaqqa ýáde berdi,
Aldasa, torǵaı kóp dep munan ózge.
Torǵaı aıtty: – Árqashan ańdaǵaısyń,
Orynsyz ótirikke nanbaǵaısyń.
Oılanbaı aldaý sózge sene kórme,
Teginde shynnyń joǵyn qamdaǵaısyń.
Bul sózge tuzaqshynyń kóńli unady,
Torǵaıdy bir dýalǵa qondyrady:
Alǵashqy bul sózińdi ábden uqtym,
Ekinshi sóziń qandaı? – dep surady.
Torǵaı turyp aıtady tamǵa qonyp:
Ótken iske ókinbe yza bolyp.
Ketken qaıtyp kelmeıdi keıigenmen,
Qur júdeısiń ishińe qaıǵy tolyp.
Sony aıtyp ushyp-qondy bıik talǵa:
Bolamyn nege tutqyn sendeı shalǵa.
Bar edi on mysqaldaı gáýhar tasym,
Aıryldyń sony ala almaı aldaǵanǵa.
Gáýhardy saǵan bermeı kettim aldap,
Ustaýǵa qolyń jetpes endi qarmap.
Muny alsań álem asqan baı bolýshy eń,
Ala almaı ókinishte qaldyń zarlap.
Torǵaıdyń aldaǵanyn sonda bilip,
Tuzaqshy ókinedi qaıǵy qylyp.
Qudaı bergen asyldan aıryldym dep,
Jylaıdy óz saqalyn ózi julyp.
Sonda torǵaı aıtady:–Eı, nadan, mas,
Tym uǵymsyz ekensiń, aqymaq nas.
Úsh mysqaldyq denem joq, kishkentaımyn,
Qaı jerime sıady ol gáýhar tas?
Áýeli qısynsyzǵa nanba dedim,
Aldaý sózge boıyńdy salma dedim.
Ekinshi – ótken iske ýaıym jep,
Emi joq bos qaıǵyǵa qalma dedim.
Orynsyz ótirikke sonsha nandyń,
Ótken iske ókinip qaıǵylandyń.
Úshinshi sózdi saǵan úıretpeımin,
Aldyńǵy eki sózdi uqpaı qaldyń.
Sony aıtyp torǵaı ketti aspanǵa ushyp,
Shal qaldy del-sal bolyp qaıǵy qysyp.
Sol torǵaı úshinshide ne aıtpaq edi,
Sony tap, esti bolsań, oıǵa túsip?