InfoHub Logo

Aspan álemi men tabıǵat qubylystary týraly jumbaqtar
Aq sandyǵym ashyldy,
İshinen jibek shashyldy.
(Kún)

Dámi de joq, túsi joq,
Paıdalanbas kisi joq.
(Sý)

Ómirde odan mol eshteńe bolmaıdy,
Qushaqtasań, qushaǵyń tek tolmaıdy.
(Aýa)

Jazda jatsań – kóleńkesine alady,
Qysta jaqsań – janyń rahat tabady.
(Aǵash)

Ylǵaldy tartyp boıyna,
Ósimdikterge nár bergen.
Tarmaqtalyp tereńde,
Tirek bop oǵan sán bergen.
(Tamyr)

Oraq bolyp turady,
Tabaq bolyp tynady
(Aı)

Jylt - jylt etip tóbemde,
Túse almaı tur tómenge.
(Juldyz)

Jazda turyp joǵary
Kúzde jerge qonady.
(Japyraq)

Kóligi joq – kóshedi,
Ózin kezbe desedi.
(Bult)

Kóterilip teńizden,
Aspanǵa bıik baramyn,
Bıikten qaıta túskende,
Óńi kirer dalanyń.
(Jańbyr)

Jóńkildi bulttar dúrkirep,
Jaýady jaýyn kúrkirep.
Aspannyń júzi jarq etti,
Aq naıza jerge sart etti.
(Naızaǵaı)

Mamyqtaı jumsaq bolady,
Ustasań qolyń tonady.
(Qys)
Qoınym toly jemiske,
Kók maısaly egiste.
Kóbelek qýyp oınaıtyn,
Bul qaı mezgil dep oılaısyń?
(Jaz)

Qaqpany tars - tars jabady,
Terezeni qaǵady.
Ýildeıdi ysqyryp,
Qorqytady balany.
(Jel)

Aspannan domalap.
Kóp monshaq tógildi.
Býsandy bar alyp,
Terildi, kerildi.
(Jańbyr)

Ustasań qoldy qarıdy,
Oty joq onyń biraq ta.
Bári de jurttyń tanıdy,
Ósedi oıda, qyratta.
(Qalaqaı)

Qarańyzdar bárińiz,
Áne aqshyl sary qyz,
Sýda turyp bıleıdi.
(Qamys)

Eshkim de qalaýynsha jaıa almaǵan,
Eshkim de ózge orynǵa qoıa almaǵan.
(Jer shary)

Kúndi jabady,
Jańbyr bolyp jaýady.
(Bult)

Kók kóılekti jeńeshem,
Kólbeń - kólbeń etedi,
Kókke qoly jetedi.
(Tútin)

Áýeden kúbi tústi,
Kúbiniń túbi tústi.
(Naızaǵaı)

Kókjıegi tuıyq dóń,
Shatyr tikken bıik keń.
(Aspan)

Jaıǵanym túkti kilem,
İlgenim – tyqyr kilem.
(Jer men Aspan)

Qos alyp kóz,
Biri – jaryqta kóredi,
Biri qarańǵyda kóredi.
(Kún men Aı)

Aınalada kók shatyr,
Kók shatyrda
Qyzyl kózdi shal jatyr.
(Aspan men Kún)

Eki dop aýysty,
Bir sheńberdi taýysty.
(Kún, Aı, Táýlik)

Jartysy
Jadyratyp nur sebedi,
Qalǵany
Qara maqpal búrkenedi.
(Táýlik)

Móldir kókte bir ǵana,
Shoqtaı jaınap tur dara.
(Sholpan)

Terezeden esiledi,
Qarańǵyny kóshiredi.
(Sáýle)

Kún kózinen quıylady,
Jer betine jıylady.
Qushaq ashyp barsha tirlik,
Qýanady, syıynady.
(Nur)

Eshteńeden qaımyqpaı,
Kózdi arbaǵan órnekpen.
Sýret salar aınytpaı,
Sheber edi ol netken?
(Aıaz)

Kúndiz shyraqtaı,
Turady túgel jadyrap.
Túnde, biraq ta,
Túndigi jabyq shańyraq.
(Jaryq pen Qarańǵy)

Záýlimde turaǵy,
Tireýsiz turady.
(Bult)

Jarqyldan soń jańaǵy,
Sýǵa bókti bar alap.
Kókte túrli jolaqty,
Órnek turdy ǵalamat!
(Kempirqosaq)
Daýysyńdy qaıtalap jyraqta,
Aınytpaı jetkizer qulaqqa.
(Jańǵyryq)

Aspan túıdi qabaǵyn,
Sur perdesin kerdi de,
Japty jerdiń tanabyn.
(Tuman)

Dep – demde
Shytynap shynysy
Tómenge aǵyldy.
(Sel)

Kúnniń kózi túıildi,
Kókte bult úıirildi.
Suıyq monshaq shashylyp,
Jerge nár bop quıyldy.
(Tamshy)

Shópti japyryp,
Qumdy sapyryp,
Qoqysty úıirip,
Áketken ne shúıirip?
(Quıyn)

Kórinbeıdi ózi,
Terezeni urady.
Aıtatyn joq sózi,
Ysqyryp turady,
Bolmasa da aıaq – kózi,
Serýen de qurady.
Bul ne?
(Boran)

Órteseń de erimeıdi,
Ne tot basyp shirimeıdi,
Ón boıyna sý sińbeıdi,
Ylǵal tartyp, irimeıdi.
(Tas)
Ártúrli jumbaqtar qaraý