Asqorytý júıesiniń buzylýy

Asqorytý júıesiniń buzylýy kóbinese jaman ádetterdiń nátıjesinde paıda bolady. Belgileri: asqazanda aýyrlyq sezimi, titirkený, túrshigý,  qyjyl, júrek aınýy, uıqyshyldyq, bas aýrýy, qusý jáne t.b. Nashar qorytylǵan azyq asqazannan ótkennen keıin, ishekte myna belgiler bastalady: Jeldený, ishtiń úrlenýi, ish qatýy nemese ishtiń ótýi.

● Jaqsylap jáne aqyryn shaınalmaǵan azyqtar asqorytý aǵzalarynda ashıdy.
● Tamaqtanǵanda ishiletin suıyqtyqtar asqazandy úrletedi jáne sharshatady. Bir stakan sý ishýge bolady.
● Kóp tamaq jeý – asqorytý júıesiniń nasharlaýynyń basty sebebi. Sondyqtan dastarhannan toımastan turyp ketý kerek.
● Astyń qortylýy úshin qalypty jaǵdaıda 4-5 saǵattaı ýaqyt qajet. Aptasyna bir kún bolsa da, asqorytý múshelerin tynyqtyryp turý kerek.
● Tamaqtaný ýaqyttary arasynda jeý asqazandy sharshatady jáne júıkelerdiń qoryn azaıtady. Túski aspen keshki as arasynda qosymsha «júrek jalǵaý» eresekter úshin kerek emes.
● Sharshaýly, uıqysyz jáne júıke juqarǵan kezde jeý, asqorytýǵa járdemshi bola almaıdy.
● Urys-keris, talas-tartys, qatty qobaljý, ashý-yza, jek kórýshilik, óshpendilik sıaqty negatıvti emosıalar asqorytý múshelerine keri yqpalyn tıgizedi.
● Ystyǵy bar kezde jeý, temperatýranyń artýyna sebep bolady.
● Tamaqtanǵannan keıin birden jatýǵa bolmaıdy.
● Shamadan tys as qospalary, qysha, sirke sýy, qaraburysh... asqazannyń hımıalyq quramyn buzady.
● Pispegen jemister, óte qyshqyl bolatyndyqtan aýlaq bolǵan jón.
● Qýyrylǵan taǵamdardyń qorytylýy qıyn bolady.
● Kóp mólsherde sheker tutyný, asqorytý júıesiniń buzylýyna jol ashady.
● Shaı, kofe, kakao... asqorytý júıesiniń birqalypty jumys isteýin buzady.
● Bir otyrǵanda ár túrli taǵamdar jeý, asqorytýda qıyndyq týdyrýy múmkin.
● Saǵyz jáne osyǵan uqsaǵandar, asqazandaǵy qyshqyldyń kóbeıýine sebep bolady.


You Might Also Like