Atanyń shahýatynyń kóp qoı máni...
Atanyń shahýatynyń kóp qoı máni,
Ananyń qursaǵynda qan bolǵany.
Qus pen adam bolar dep kim aıta alar,
Óli qan men jany joq jumyrtqany?
Basynda onyń kıimi shahýat edi,
Qyzyl qan, aq jumyrtqa kıgeni áni!
Denesi neshe mıllıon qubylsa da,
Onyń jany – baıaǵy eski jany.
Seziminiń zoraıyp, azaımaǵy –
Qandaı túrde bolǵannan onyń táni.
Qaıda barsa, ol ózin «ózim» deıdi,
«Ózim» dep denesi emes, jandy aıtqany.
Sol jannan tipti «ózimdik» joǵalmaıdy,
Esep emes, san ólip, san qaıtqany.


You Might Also Like