Avgýst (Gaı Iýlıı Sezar Oktavıan ) - Rımniń alǵashqy ımperatory

Avgýst- Rım ıperıasyn b.z.d. 27 – b.z. 14 jylǵa deıin, ıaǵnı ómiriniń sońyna deıin basqarǵan alǵashqy ımperator. Tolyq esimi – Gaı Iýlıı Sezar Oktavıan Avgýst. 

Bılikke qaısar mineziniń arqasynda qol jetkizdi. Eldi óte saqtyqpen bıledi. Ol Rımniń qarjy salasyna, salyq tóleý júıesine reformalar engizdi.

Avgýst ysyrapshylyq, nekesizdik, jarynyń kózine shóp salý sıaqty teris qylyqtardyń jolyn kesýge baǵyttalǵan qatal zańdar shyǵaryp, kópbalaly otbasylarǵa jeńildikter jasaıtyn zańdar qabyldady.

Ol ımperıaǵa qatysty árbir iske barynsha mán berip, árbir iske bilek sybana kiristi. Imperıanyń shet aımaqtaryn qorǵaý úshin ásker jasaqtap, áskerı teńiz flotyn qurdy.

Rım kartasy

Avgýst aqyldy, tez sheshim qabyldaıtyn jáne kóregen saıasatker boldy.  Ol – ejelgi qatal da taza ádet-ǵurypty qaıta tiriltken bıleýshi. Óziniń sheksiz bıligin aqylmen basqardy. Qanquıly soǵystardan kóz ashpaǵan elin álemniń barlyq ıgiligine bólep, baqytqa keneltti.

Ol óz esimin tutas bir dáýirge berdi, ıaǵnı bútin bir aıdyń aty onyń esimimen “Avgýst” (Tamyz) dep atalady.

Avgýst bılik etken zaman tarıhta "Rım poezıasynyń altyn ǵasyry" retinde belgili. Ol Vergılıı men Gorasıı sıaqty aqyndardy qashanda jelep-jebep júrdi.

Avgýst b.z. 14 jyly Nola degen jerdegi ákesiniń shaǵyn ǵana eski úıinde jatyp qaıtys boldy. Onyń denesi Rımge jetkizilip, sol jerde jerlendi. Al qoldanǵan zattary men kıimderi óziniń kesenesine qoıyldy.


You Might Also Like