Aıýannyń estisi kóp, biraq adamdaı tolyq aqyly joq

It adamǵa shyn dos janýar. Dúnıe júzinde ıttiń neshe atasynyń uly bar: bireýi qora, bireýi úı kúzetedi, bireýi malshy ornyna mal baǵady, bireýi ań, qus alyp beredi, bireýleri, tipti, at ornyna jegilip te júriledi; bulardyń bárin de ekinshi kitapta ýaqytymen aıtarmyz.

Anglıa jurtynyń eń úlken London degen qalasynda órt bolǵan ýaqytta, kúıip jatqan úıdiń ishinde qalǵan balalardy alyp shyǵýǵa úıretilgen ıtter bar. Sonyń bireýi Bob degen ıt on eki balany órtten alyp shyǵypty.

Ybyraı Altynsarınniń "Aıýannyń estisi kóp, biraq adamdaı tolyq aqyly joq" atty týyndysy.

Bir kúni bir úı janyp, órt sóndirgish adamdar kelgen ýaqytta, bir qatyn jylap turdy, balam janyp jatqan úıde qaldy dep. Órtshiler álgi Bobty jiberdi: Bob baspaldaqpen úıge kirip, tútin ishinde joq bop ketip, birazdan soń balany kóıleginen tistep qana alyp keldi. Sheshesi qýanyp balasyn aldy, órtshiler ıttiń órt shalǵan jeri joq pa dep qarap turǵanda, Bob órshelenip janǵan úıge qaraı taǵy umtyla beripti.

Órtshiler oılady shamasy úıde taǵy bir bala bar shyǵar dep; sonymen Bobty jáne qoıa berdi. Birazdan soń Bob, aýyzynda bir tistegeni bar, úıden júgirip shyǵa keldi. Qarasa, ákelgeni bir úlken qýyrshaq eken.

Ybyraı Altynsarın

Adam, ıt, mysyq jáne qarshyǵa

Ittiń syrttany

It pen mysyq adamǵa qalaı úırendi?

Polkan degen ıt


You Might Also Like