- 12 sáý. 2015 00:00
- 211
Báji basý
Qyzǵan temir, adamnyń maı quıryǵyna basylady. Bul - qylmyskerdiń ar-uıatyna basylǵan ólmes, óshpes tańba. Muny "báji basylǵan" dep ataıdy. Bul sırek oqıǵa bolǵandyqtan, qylmyskerdiń aty elden-elge tarap, áńgime etiledi. Budan keıingi urpaqtaryna da zor tańba. Naǵashy-jıender arasynda da aıtylyp, kúlki bolady.
Arqada Turlybaı degen bedeldi kisi bir ádepsizdi tártipke shaqyrsa, ol aıtqysh shaldyń ózine tıisipti. Sonda sheshen qart: "Shyraǵym, men seni qara aýyz dedim be? Nanjarym (jarymes) dedim be? Quıryǵyna báji basylǵan dedim be? Baıdyń toqaly tepken dedim be?" - dep, álgi jónsizdiń barlyq masqarasyn tizip, jer qylypty. Muny estigen bı, buzyqqa jıyrma qamshy dúre buıyrypty. Jazany oryndaý úshin ony jyǵyp salyp, shalbaryn sheshkende, shynynda, onyń quıryǵyna báji basylǵan bolyp shyǵypty.