Baqanas, Baıqoshqardyń kóp sabazy...
Baqanas, Baıqoshqardyń kóp sabazy
Jıyp ap qyran búrkit, júırik tazy,
Eńbekshi uıym bolmaı, ańshy bolyp,
Oıda joq bıdaı menen shóptiń azy.

Ańshylyq – biraz kúndik kóńil nazy,
Munyńa bolar ma eken aqyl razy.
Kóp el júr malyn qoıyp, janyn tilep,
Mahsharda qurylǵandaı tas tarazy.

Senderge batpaıdy onyń qaıǵy-nazy,
Bop júrsiń, aıdyn kóldiń qońyr qazy.
Taýsylyp azdan keıin azyqtary,
«Shyǵar,– dep zarlap júrme,– qashan jazy?»

Ańshylyq áýelinde qandaı tátti,
Erkindik, kim jek kórer saltanatty.
Bul kúnde qońly tuǵyr tabylsa da,
Azdan soń jeldiktersiń jaýyr atty.

Aıtpaımyn sógeıin dep azamatty,
Deı kórme: «muny osy shal nege shatty».
Salynbaı birjolata ań qýǵanǵa,
Eńbek pen eskere júr qanaǵatty.

Tolǵanyp aqyn aıtar árbir zatty,
Sózimniń ishi jumsaq, syrty qatty.
«Alpys jyl ańshy bolyp aljyǵan shal,–
Deısińder,– bizge aıtady nasıhatty».

Oılasań, bizdiń zaman munan jat-ty,
Ol dáýren oıran bolyp, qumdaı batty.
Jumysy bul ýaqyttyń – adal eńbek,
Zamanyń kótermeıdi bul saıasatty.


You Might Also Like

Jańalyqtar

Jarnama