Baýyrjan Momyshuly

Momyshuly Baýyrjan (1910-1982) – ekinshi dúnıejúzilik soǵystyń dańqty jaýyngeri, halyq qaharmany, qazaqtyń kórnekti jazýshysy. Týǵan jeri Jambyl oblysynyń Jýaly aýdanyndaǵy Kólbastaý mekeni.

Baýyrjan Momyshulynyń Ekinshi dúnıejúzilik soǵystaǵy asqan erligimen jáne urys júrgizýdegi áskerı sheberligi sol kezdiń ózinde Odaq kólemine ańyz bolyp jaıyldy. Baýyrjannyń osyndaı erligi jóninde belgili orys jazýshysy A.Bek «Volokolamskoe shose» (qazaqshasy «Arpalys») povesin jazdy. Soǵystan keıin jazǵan kitaptary SSSR halyqtary jáne birneshe shetel halyqtarynyń tilderinde basylyp shyqty.

Baýyrjan birneshe orden, medaldermen nagradtaldy, Keńester Odaǵynyń batyry ataǵyn aldy. Alaıda bul ataq Otan soǵysy bitkennen keıin jarty ǵasyrdaı ýaqyt ótkende baryp berilgen bolatyn. El táýelsizdik alǵannan keıin QR tuńǵysh Prezıdenti N.Nazarbaevtyń jarlyǵymen oǵan «Halyq qaharmany» degen ataq berildi. 

Baýyrjan Momyshuly aıtqan danalyq sózderi:

  • ♦ Tártipsiz el bolmas, tártipke baǵynǵan qul bolmas
  • ♦ El bolam deseń besigindi túze.
  • ♦ Qoı bastaǵan arystan tobynan,arystan bastaǵan qoı toby artyq.
  • ♦ Talaptynyń toqpaǵy tasqa shege qaǵady.
  • ♦ Muratyńa jetkenshe dos pen dushpanǵa syr berme.
  • ♦ Iir butaqty emen shynar bolýǵa qumar bolmaıdy.
  • ♦ Kóp turǵan sý sasıdy, oılamaǵan mı sasıdy.
  • ♦ Aqymaq kisini maqtasań, aqylynan aıyrylady. Aqyldy kisini maqtasań – kóp oılanady.
  • ♦ Aqyl da oılaǵandy unatady. Oılanyp-tolǵanǵan adamǵa ǵana aqyl durys jol kórsetedi.
  • ♦ Pyshaqtyń júzi ótpese, saby qansha jaqsy bolǵanmen, túkke jaramaıdy. Aldymen júzi ótkir bolýy kerek.
  • ♦ Óziń bilmeıtin adamdardyń syrtynan ǵaıbat sóılep,obalyna qalma.

You Might Also Like

Jańalyqtar

Jarnama