- 17 naý. 2015 00:00
- 168
Bilekteı arqasynda órgen burym
Bilekteı arqasynda órgen burym,
Sholpysy syldyr qaǵyp júrse aqyryn.
Kámshat bórik, aq tamaq, qara qasty,
Sulý qyzdyń kórip pe eń mundaı túrin?
Alasy az qara kózi aınadaıyn,
Júrekke ystyq tıip salǵan saıyn,
Úlbiregen aq etti, ashyq júzdi,
Tisi ádemi kórip pe eń qyzdyń jaıyn?
Burań bel, boıy sulý, kishkene aıaq,
Bolady osyndaı qyz neken-saıaq.
Pisken alma sekildi tátti qyzdy
Bolamyn da turamyn kórgendeı-aq.
Egerde qolyń tıse bilegine,
Lúpildep qan soǵady júregińe.
Betińdi taıap barsań tamaǵyna,
Shymyrlap bý enedi súıegińe.
Sholpysy syldyr qaǵyp júrse aqyryn.
Kámshat bórik, aq tamaq, qara qasty,
Sulý qyzdyń kórip pe eń mundaı túrin?
Alasy az qara kózi aınadaıyn,
Júrekke ystyq tıip salǵan saıyn,
Úlbiregen aq etti, ashyq júzdi,
Tisi ádemi kórip pe eń qyzdyń jaıyn?
Burań bel, boıy sulý, kishkene aıaq,
Bolady osyndaı qyz neken-saıaq.
Pisken alma sekildi tátti qyzdy
Bolamyn da turamyn kórgendeı-aq.
Egerde qolyń tıse bilegine,
Lúpildep qan soǵady júregińe.
Betińdi taıap barsań tamaǵyna,
Shymyrlap bý enedi súıegińe.