Bir Allaǵa syıynǵan adam ólmes...
Bir Allaǵa syıynǵan adam ólmes,
Qudaısyz qý qolynan is te kelmes.
Belin bekem býǵannyń beli talmas,
El buzsa da, adaldyq ózgerilmes.

Adamzat ózin-ózi synaý kerek,
Tazalyq, ádildikti unaý kerek.
Ólse de týra joldan moıyn burmaı,
Aqtan kórgen báleńe shydaý kerek.

Ne shyda, ne zalym bol, birin tańda,
Áıteýir aqylyn tap, erte qamda.
Momyn bol, ne buzaqy, ne batyr bol,
Qazaq tynysh qoımaıdy ne qylsań da.

Adalǵa oryn emes qazaq ishi,
Tátti ǵumyr súre almas taza kisi.
Ózin asyrar qazaqtyń óneri joq,
Birin-biri talaıdy – bar jumysy.


You Might Also Like