- 14 sáý. 2015 00:00
- 220
Bir handa eki ul bopty bir týysqan...
Bir handa eki ul bopty bir týysqan,
Kúndesip, arazdasyp, buzylysqan.
Bılegen elin eki bólip alyp,
Soǵys ashyp, bolypty qatty duspan.
Arashalap baı barǵan, han da barǵan,
Ne sheshen, bilgish degen jan da barǵan.
«Ásker qanyn aǵyzbaı qoımaımyz» dep,
Bıge de toqtamapty tańdap alǵan.
Bar eken toǵyz kedeı shómshek tergen,
Otyn satyp, eńbekpen kúnin kórgen.
Qyrylysyp jatyr dep esitken soń,
Eldi aıap arashaǵa solar kelgen.
Soǵystyń ortasyna ketken kirip,
Tımepti jarly ekenin soldat bilip.
Bir kedeı uran salyp aıǵaılapty,
«Han qaıda? Bitim! Bitim!» dep aqyryp.
Muny estigen eki jaqtan han kelipti,
Sóz tyńdaýǵa birtalaı jan kelipti.
Qolynda aıǵaılaǵan otynshynyń
Ýystaýly uıyǵan qan kóripti.
Jarly aıtypty sonda eki hanǵa qarap:
«Qan tógip qaıtpeksińder eldi talap?
İzdegeniń maqtan men mal emes pe,
Shyn aıtpasań, ketemin qanmen sabap?
Mynaý qan sen sıaqty jastyń qany,
Sender úshin qıylǵan qyrshyn jany.
Toıymsyz qos tóbettiń qurmeti úshin,
Jón be eken kóp áskerdiń qyrylǵany?
Eı, soldat! Jaratýshyń bular ma edi,
Qyrshyn janyń ólimge qumar ma edi?
Eki hanǵa biz úshin sen ól deseń,
Sender úshin ólýge shydar ma edi?
Han toımaıdy álemdi talasa da,
Oı jibershi osyndaı tamashaǵa.
Eki jýan syımaıdy jer júzine,
Toǵyz kedeı sıady alashaǵa.
Bir nan tapsaq, ortaqpyz otyn terip,
Ashymyzǵa toǵymyz bólip berip.
Ólgenshe jýandardyń kózi toımas,
Bar álemdi júrse de ol meńgerip».
Bul sózdi jas soldattar uǵyp aldy,
«Soǵyspaı toqtalyq» dep aıǵaı saldy.
Eki jaqtyń áskeri qaıtyp ketip,
Handardyń aram oıy adyra qaldy.
Ásker qanǵa boıaıdy ózderi-ózin,
Zor úkimet sıqyrlap baılap kózin.
Oılanyp osy kezde kim tyńdaıdy
Álgi altynmen jazarlyq jarly sózin?
Kúndesip, arazdasyp, buzylysqan.
Bılegen elin eki bólip alyp,
Soǵys ashyp, bolypty qatty duspan.
Arashalap baı barǵan, han da barǵan,
Ne sheshen, bilgish degen jan da barǵan.
«Ásker qanyn aǵyzbaı qoımaımyz» dep,
Bıge de toqtamapty tańdap alǵan.
Bar eken toǵyz kedeı shómshek tergen,
Otyn satyp, eńbekpen kúnin kórgen.
Qyrylysyp jatyr dep esitken soń,
Eldi aıap arashaǵa solar kelgen.
Soǵystyń ortasyna ketken kirip,
Tımepti jarly ekenin soldat bilip.
Bir kedeı uran salyp aıǵaılapty,
«Han qaıda? Bitim! Bitim!» dep aqyryp.
Muny estigen eki jaqtan han kelipti,
Sóz tyńdaýǵa birtalaı jan kelipti.
Qolynda aıǵaılaǵan otynshynyń
Ýystaýly uıyǵan qan kóripti.
Jarly aıtypty sonda eki hanǵa qarap:
«Qan tógip qaıtpeksińder eldi talap?
İzdegeniń maqtan men mal emes pe,
Shyn aıtpasań, ketemin qanmen sabap?
Mynaý qan sen sıaqty jastyń qany,
Sender úshin qıylǵan qyrshyn jany.
Toıymsyz qos tóbettiń qurmeti úshin,
Jón be eken kóp áskerdiń qyrylǵany?
Eı, soldat! Jaratýshyń bular ma edi,
Qyrshyn janyń ólimge qumar ma edi?
Eki hanǵa biz úshin sen ól deseń,
Sender úshin ólýge shydar ma edi?
Han toımaıdy álemdi talasa da,
Oı jibershi osyndaı tamashaǵa.
Eki jýan syımaıdy jer júzine,
Toǵyz kedeı sıady alashaǵa.
Bir nan tapsaq, ortaqpyz otyn terip,
Ashymyzǵa toǵymyz bólip berip.
Ólgenshe jýandardyń kózi toımas,
Bar álemdi júrse de ol meńgerip».
Bul sózdi jas soldattar uǵyp aldy,
«Soǵyspaı toqtalyq» dep aıǵaı saldy.
Eki jaqtyń áskeri qaıtyp ketip,
Handardyń aram oıy adyra qaldy.
Ásker qanǵa boıaıdy ózderi-ózin,
Zor úkimet sıqyrlap baılap kózin.
Oılanyp osy kezde kim tyńdaıdy
Álgi altynmen jazarlyq jarly sózin?