![«Bolashaq» tóńiregindegi daý: UQK men İİM Ulybrıtanıada qalǵan stýdentti tabýdy surap otyr](http://infohub.kz/uploads/thumbnail/20240528091334476_big.png)
- 28 mam. 2024 09:19
- 321
«Bolashaq» tóńiregindegi daý: UQK men İİM Ulybrıtanıada qalǵan stýdentti tabýdy surap otyr
HBO-niń burynǵy qyzmetkerleri qyzmettik alaıaqtyq jasaǵany úshin jaýapqa tartylmaq
Halyqaralyq baǵdarlamalar ortalyǵy «Bolashaq» baǵdarlamasynyń burynǵy stıpendıatynyń kepilgerleriniń málimdemelerine túsinikteme berdi. Stıpendıat Valerıa Gavrılenko SMP qyzmetkerlerimen kelisimge kelip, zańsyz túrde eki páterdi kepilden shyǵaryp, Ulybrıtanıaǵa ketken, dep habarlaıdy infohub.kz.
HBO baspasóz qyzmetiniń málimetinshe, Ulybrıtanıaǵa keter aldynda «Bolashaq» baǵdarlamasynyń stıpendıaty Valerıa Gavrılenko kepil retinde eki jyljymaıtyn múlik nysanyn usynǵan. Alaıda olardyń quny oqý qunyn tolyqtaı jaba almaǵandyqtan, stıpendıat úshin resmı túrde eki kepilger – Natalá Vorobeva men Makpal Darıbaeva qol qoıǵan. Bul áıelder ortalyqpen kepil shartyn jasasqan. Shartta stıpendıat mindettemelerin oryndamaǵan jaǵdaıda ortalyq kepilgerden talap etýge quqyly ekeni kórsetilgen.
«Qyzmettik tekserý nátıjesinde, 2019 jyldyń 13 mamyrynda Ortalyqtyń burynǵy prezıdenti J. Meldeshov, vıse-prezıdent M. Alpysbaı, zań departamentiniń bastyǵy A. Sharambaevtar stıpendıattyń mindettemelerin tolyq oryndaýyna baılanysty jyljymaıtyn múlikti kepilden bosatý týraly habarlama bergeni anyqtaldy. Iaǵnı, bir jyl boıy Qazaqstan Respýblıkasynda eńbek qyzmetin júzege asyrǵan soń», – dep habarlady HBO.
Bul zańbuzýshylyq stıpendıattardy tekserý barysynda anyqtalǵan. Osydan keıin ortalyq burynǵy qyzmetkerlerdiń qyzmettik jalǵan qujat jasaý faktileri boıynsha tıisti organdarǵa aryzdar jiberip, kinálilerdi zańmen qarastyrylǵan jaýapkershilikke tartýdy surady.
«2024 jyldyń sáýir aıynda Ulttyq qaýipsizdik komıteti men İshki ister mınıstrligine Gavrılenko V.-nyń naqty ornalasqan jerin anyqtaý maqsatynda hattar jiberdi», – delingen habarlamada.
«Bolashaq» baǵdarlamasynyń shetelde júrgen jáne memleket aldyndaǵy kelisim-sharttyq mindettemelerin oryndamaǵan stıpendıattaryn qaıtarý boıynsha júıeli jumys júrgizip jatqanyn atap ótti.
«13 myń «Bolashaq» baǵdarlamasy túlekteriniń ishinde 1%-dan azy oqýdy aıaqtaı almaı, nemese memleket aldyndaǵy eńbek mindettemelerin oryndamaı, stıpendıadan aıyryldy. Ortalyq memlekettik búdjetke aı saıyn shamamen 200 mln teńge qaıtaryp otyrady. 2023 jyly búdjetke 1,9 mlrd teńge qaıtaryldy, al 2024 jyldyń 27 mamyryna deıin – 716 mln teńge, 43 adam memleket aldyndaǵy qaryzyn tolyq ótedi», – dep jaýap berdi ortalyqta.
Eske sala keteıik, «Bolashaq» baǵdarlamasynyń burynǵy stıpendıatynyń kepilgerleri Natalá Vorobeva men Makpal Darıbaeva Halyqaralyq baǵdarlamalar ortalyǵynyń olardyń konstıtýsıalyq quqyqtaryn buzǵanyn málimdegen.
Olardyń aıtýynsha, qyz zańsyz túrde Halyqaralyq baǵdarlamalar ortalyǵynyń kepilinen eki páterin shyǵaryp, Ulybrıtanıaǵa ketken. 2 jyldan keıin ol stıpendıadan aıyrylǵan. Biraq stıpendıattyń oqý shyǵynyn óteý qaryzyn ortalyq kepilgerlerden óndirip almaqshy.