InfoHub Logo

Bir aptalyq jumys kúninen qajyǵan adam jeksenbiniń tańynda qolyna gazet alyp sharshaǵanyn basyp, kúni boıy úıde otyrýdy uıǵarady. Dál osyny oılap otyrǵanynda balasy júgirip kelip parkke qashan baratynyn suraıdy. Ákesi oǵan demalys kúni parkke alyp baratyna ýáde bergen bolatyn. Biraq múldem syrtqa shyǵýǵa zaýqy bolmaı bir syltaý izdeıdi. Keıin gazet betindegi dúnıe júzilik karta kózine túsedi. Kartany maıdalap jyrtyp balasyna «eger kartany qurasań seni parkke alyp baramyn» dedi de ózi ishteı «jaqsy qutyldym-aý, eń myqty geografıa profesory da keshke deıin quraı almas» dep oılady. Arada on mınýt ýaqyt ótisimen-aq balasy júgirip kelip:

- «Áke kartany túzedim, endi barsaq bolady»-dedi.

Ákesi aldymen senbeı baryp kóredi. Kórgeninde tań qalyp qalaı túzegenin suraıdy. Sonda bala bylaı dep jaýap beredi:

- Maǵan bergen kartanyń artynda bir adamnyń sýreti ber edi. Adamdy túzetken kezimde, búkil dúnıe júzi túzelip shyǵa keldi.

- !...

Qarap kórińizder:

5 oqıǵa

Ósek týraly birer sóz

Qandaı sezim eken?

Bir staqan sút

---